Dva z pałovaj hady jon lažaŭ paralizavany ŭ baćkoŭskaj chacie.
U Biełaaziorsku pamior Hienik Łoska — polski vakalist i hitaryst biełaruskaha pachodžańnia, zorka pieršaha polskaha telešou X Factor, piša «Jeŭraradyjo».
Jon śpiavaŭ ź dziacinstva, chadziŭ u muzyčnuju škołu i hraŭ na hitary. Pastupiŭ u Hrodzienski kaledž mastactvaŭ. Razam ź siabrami stvaryŭ bluzavy hurt Seven B.
U 1992 hodzie kamanda pajechała na «Basovišča» i zastałasia ŭ Polščy — hrać na vulicach i takim čynam zarablać hrošy. Chłopcy atrymali polskaje hramadzianstva. Trya Seven B pierarasło ŭ mocny chard-bluzavy kvintet, jaki aktyŭna hastralavaŭ pa Polščy i vypuskaŭ albomy.
Udzieł u X Factor prynios Hieniku sapraŭdnuju słavu.
Muzyka padkreślivaŭ, što nie ličyć siabie znakamitaściu i nikoli nie budzie zorkaj: «Ja panury, jak šaviec. I sacyjapat. Biełarus u Polščy i sacyjapat — vydatnaje złučeńnie».
Muzyčny ahladalnik štotydniovika Polityka Kuba Vajavodski pisaŭ pra Łosku: «Hienik — plavok u tvar polskaj kancepcyi słova «zorka». I dziakuj jamu za heta».
Hienadzia Łosku znajšli ŭ nieprytomnym stanie 5 maja 2018 hoda ŭ centry Biełaaziorska — jon pryjechaŭ da mamy, kab zrabić dazvoł na žycharstva ŭ Biełarusi.
U muzyki dyjahnastavali levabakovy insult i zakrytuju čerapna-mazhavuju traŭmu. Ciaham 2,5 hadoŭ Hienik lažaŭ paralizavany ŭ baćkoŭskaj kvatery, pry hetym znachodziačysia ŭ prytomnaści.
U viadomaha polskaha śpievaka zdaryŭsia ŭ Biełarusi insult. Ad maja jon u komie ŭ Biełaaziorsku
U Biełaaziersku lažyć u komie muzyka Hienik Łoska, jaki kaliści pieramoh na polskim «X-faktary»
-
«Vy chto? Pacany ci baby»? Žadańnie atrymać adkaz na heta pytańnie pryviało kiroŭcu z Rečycy na łavu padsudnych
-
Siłaviki ŭvarvalisia ŭ namiotavy łahier pad Pinskam, dzie moładź sabrałasia na rok-kancert
-
Novy pasoł atrymaŭ paŭnamoctvy vice-premjera pa adnosinach z Rasijaj i ciapier adkazvaje za heta hałavoj
Kamientary