U Rečycy za ŭdzieł u akcyi sudzili 79-hadovuju žančynu, jakaja była ŭ nacysckaj turmie
Kali Zinaidzie Kryvickaj byŭ hodzik, jana trapiła razam z maci ŭ nacysckuju turmu za toje, što jaje tata byŭ partyzan. Siońnia 79-hadovuju žančynu sudzili za ŭdzieł u mirnaj akcyi pratestu ŭ Rečycy, piša Radyjo Svaboda.
Zinaida Kryvickaja ŭpieršyniu za 79 hadoŭ trapiła pad sudovy pieraśled. 30 žniŭnia jana z kvietkami išła ŭ kalonie pratestoŭcaŭ pa Rečycy. Milicyja rascaniła heta tak: «Aktyŭna ŭdzielničała ŭ niesankcyjanavanym vuličnym šeści i mitynhu z metaj vyražeńnia svajho pratestu pa fakcie niesumlennaha praviadzieńnia vybaraŭ».
Na sudzie Zinaida Ivanaŭna zaznačyła, što nikoli nie hałasavała za Alaksandra Łukašenku i ŭpieršyniu za 26 hadoŭ zajmieła mahčymaść vykazać svaju hramadzianskuju pazycyju.
«A dzie ja jaje mahu vykazać, jak nie na vulicy?», — zaŭvažyła pensijanerka.
Jana nie admaŭlała, što išła z kvietkami ŭ kalonie, ale nie pryznała siabie vinavataj, bo ličyć, što maje prava vykazvać svaju hramadzianskuju pazycyju
Sud pryznaŭ jaje vinavataj pavodle artykułu 23.34 KAAP i pakaraŭ papiaredžańniem z zaŭvahaj, što nastupnym razam, kali Zinaida Ivanaŭna budzie ŭdzielničać u mitynhu, na papiaredžańnie nie daviadziecca raźličvać.
Kamientary