Juryst Siarhiej Zikracki tłumačyć, čamu redaktara NN Jahora Marcinoviča nielha sudzić za paklop
Advakat Siarhiej Zikracki prakamientavaŭ spravu Jahora Marcinoviča ŭ svaim fejsbuku.
«Vielmi karotki jurydyčny likbiez. Čamu žurnalista nielha sudzić za paklop.
Pa-pieršaje, za paklop naohuł nielha sudzić. Mižnarodnyja pryncypy svabody vykazvańnia mierkavańnia i dziejnaści miedyja zychodziać z taho, što adkaznaść za paklop moža być tolki hramadzianska-pravavaja.
Kali byli raspaŭsiudžanyja vykazvańni, jakija haniać reputacyju, to na miedyja abo žurnalista moža być nakładzieny štraf. Ale žurnalist nie moža być pryciahnuty da kryminalnaj adkaznaści.
Ale ŭ niekatorych krainach jašče zastałasia kryminalnaja adkaznaść za paklop. Tamu — pa-druhoje.
Pa-druhoje, art. 188 Kryminalnaha kodeksa Respubliki Biełaruś praduhledžvaje, što adkaznaść za paklop nadychodzić tolki pry najaŭnaści pramoha namieru. Heta aznačaje, što asoba viedaje, što źviestki niedakładnyja, i tym nie mienš ich raspaŭsiudžvaje.
Žurnalist, jaki atrymlivaje infarmacyju ad svaich krynic, nie moža dakładna viedać, kaža krynica praŭdu ci nie. U hetaj suviazi ŭ žurnalista ŭ absalutnaj bolšaści vypadku nie moža być pramoha namieru na raspaŭsiud iłžyvych vykazvańniaŭ.
Upeŭnieny, što sprava ŭ dačynieńni da Jahora Marcinoviča pavinna być nieadkładna spynienaja».
Hałoŭnaha redaktara NN Jahora Marcinoviča zatrymali ranicaj 23 vieraśnia. Jaho zatrymańnie i kryminalnaja sprava, imavierna, źviazanyja z intervju dydžeja Sakałoŭskaha, jaki raskazaŭ, što na Akreścina jaho biŭ u karcary čałaviek, padobny da namieśnika ministra ŭnutranych spraŭ.
Paśla dopytu ŭ Śledčym kamitecie Jahora Marcinoviča źmiaścili na troje sutak u IČU na Akreścina.
Akaŭnt Kabančuka ŭzłamali — ale ci biełaruskija śpiecsłužby?7
Kamientary