Hałoŭnamu redaktaru «NN» Jahoru Marcinoviču zabaranili vyjezd za miažu
Hałoŭnamu redaktaru «Našaj Nivy» Jahoru Marcinoviču zabaranili vyjezd za miažu. Takoje rašeńnie pryniaŭ śledčy Alaksiej Daŭžonak, paviedamiŭ siońnia Marcinovič.
Raniej Marcinovič raskazaŭ, što padčas trochdzionnaha zatrymańnia z 23 da 26 vieraśnia da jaho prychodziŭ apieratyŭnik MUS z pytańniem, ci nie chacieŭ by jon vyjechać za miažu, jak Cichanoŭskaja?
Toje samaje pytańnie jamu zadavaŭ čałaviek, ź jakim Marcinoviča pasadzili ŭ adnu kamieru CIP — jaki, pa słovach taho čałavieka, mieŭ 8 sudzimaściaŭ.
Marcinovič byŭ pryznany padazravanym pa kryminalnaj spravie ab paklopie (art. 188 KK). Paciarpiełym pa joj prachodzić namieśnik ministra ŭnutranych spraŭ Alaksandar Barsukoŭ.
23 vieraśnia doma ŭ Marcinoviča prajšoŭ pieratrus, redaktara zabrali na dopyt u SK, paśla čaho zatrymali na troje sutak. Ciapier jon pad padpiskaj ab niavyjeździe.
Siońnia nad Jahoram Marcinovičam pavinien adbycca administracyjny sud.
Kamientary