Галоўнаму рэдактару «НН» Ягору Марціновічу забаранілі выезд за мяжу
Галоўнаму рэдактару «Нашай Нівы» Ягору Марціновічу забаранілі выезд за мяжу. Такое рашэнне прыняў следчы Аляксей Даўжонак, паведаміў сёння Марціновіч.
Раней Марціновіч расказаў, што падчас трохдзённага затрымання з 23 да 26 верасня да яго прыходзіў аператыўнік МУС з пытаннем, ці не хацеў бы ён выехаць за мяжу, як Ціханоўская?
Тое самае пытанне яму задаваў чалавек, з якім Марціновіча пасадзілі ў адну камеру ЦІП — які, па словах таго чалавека, меў 8 судзімасцяў.
Марціновіч быў прызнаны падазраваным па крымінальнай справе аб паклёпе (арт. 188 КК). Пацярпелым па ёй праходзіць намеснік міністра ўнутраных спраў Аляксандар Барсукоў.
23 верасня дома ў Марціновіча прайшоў ператрус, рэдактара забралі на допыт у СК, пасля чаго затрымалі на трое сутак. Цяпер ён пад падпіскай аб нявыездзе.
Сёння над Ягорам Марціновічам павінен адбыцца адміністрацыйны суд.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі67
Каментары