Studenty praviali siadziačyja pratesty. Łukašenkaŭcy adkazali «ramontam hankaŭ» i zatrymańniami
30 vieraśnia biełaruskija studenty zładzili siadziačuju zabastoŭku. Jany vychodzili na hanki svaich univiersitetaŭ i prosta siadzieli tam.
Akcyja pratestu studentaŭ-prahramistaŭ u Biełaruskim dziaržaŭnym univiersitecie infarmatyki i radyjoelektroniki vyhladała tak:
Pavodle telehram-kanała studenty2020, u Minsku ŭ akcyi pryniali ŭdzieł navučency dziasiatka ŭniviersitetaŭ — BDU, BNTU, Pieduniviersiteta, Miedycynskaha, Technałahičnaha, Ekanamičnaha, Linhvistyčnaha, Univiersiteta kultury i mastactvaŭ, Univiersiteta fizičnaj kultury, Ahrarnaha techničnaha ŭniviersiteta. U Viciebsku — studenty Technałahičnaha, u Homieli — dziaržaŭnaha i dziaržaŭnaha techničnaha ŭniviersitetaŭ.
Siadziačyja studenckija pratesty prajšli ŭ tym liku i ŭ tych VNU, dzie raniej nie pratestavali.
Łukašenkaŭcy adkazali paŭsiudnym «ramontam hankaŭ», zatrymańniami i pahrozami.
Na videa trapiła, jak prarektary BNTU Viaršyna i Nikałajčyk pahražajuć studentkam vyklikam AMAPa i prakuratury.
Choć hieahrafija pratestu pašyryłasia, studenckija akcyi nie byli šmatlikimi. Jany sabrali ad dziasiatka da niekalkich socień udzielnikaŭ.
Davoli masavym byŭ pratest u BDUIR, dzie niadaŭna aryštavali dvuch studentaŭ, pryčym adnaho — na 23 sutak. «Ja, my — Dzima Mazura!» — skandavali tam studenty.
Infarmacyja pra adzinkavyja zatrymańni pastupiła ŭ «Našu Nivu» ź Biełaruskaha dziaržaŭnaha ahrarnaha techničnaha ŭniviersiteta i Hrodzienskaha dziaržaŭnaha ŭniviersiteta.
Masavy ramont hankaŭ raspačaŭsia 30 vieraśnia ŭ mnohich univiersitetach krainy.
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary