Urad Litvy pryniaŭ rašeńnie ab uviadzieńni druhoha karancinu, jon budzie dziejničać z 00:00 7 listapada pa 24:00 29 listapada, piša Delfi.lt.
U hramadskich miescach možna budzie znachodzicca hrupam nie bolš za 5 čałaviek (za vyklučeńniem členaŭ siemjaŭ), patrabujecca vykonvać dystancyju nie mienš za 2 m pamiž asobnymi hrupami, paźbiahać pramoha fizičnaha kantaktu, vykonvać patrabavańni hihijeny. Na pachavańni mohuć prysutničać nie bolš za 10 čałaviek.
Maski ŭ hramadskich miescach pavinny nasić usie žychary, starejšyja za 6 hadoŭ.
Praŭda, maski nie patrebnyja tym, chto zajmajecca sportam na vulicy, udzielničaje ŭ spartyŭnych spabornictvach, a taksama ludziam ź invalidnaściu, jakija pa stanie zdaroŭja nie mohuć chadzić u ich (hetym ludziam rekamiendujuć nasić ščytki).
Za miežami nasielenych punktaŭ možna być biez masak, kali ŭ radyusie 20 m niama inšych ludziej, za vyklučeńniem členaŭ siemjaŭ.
Taksama buduć abmiežavanyja pajezdki ŭ haradskim, pryharadnym i mižharodnim transparcie — možna zajmać tolki siadziačyja miescy i siadzieć u 1 m adno ad adnaho.
Padčas karancinu buduć zabaronienyja ŭsie kamiercyjnyja i niekamiercyjnyja kulturnyja, zabaŭlalnyja i spartyŭnyja mierapryjemstvy, kirmašy i inšyja schody, jakija pravodziać u pamiaškańni i na śviežym pavietry.
Spartyŭnyja spabornictvy buduć prachodzić biez hledačoŭ.
Padčas karancinu buduć pracavać dziciačyja sady, daškolnyja ŭstanovy i pačatkovaja škoła. Vučni 5-12 kłasaŭ vučacca dystancyjna.
Druhaja chvala karanavirusa ŭ Litvie kudy bolšaja, čym pieršaja. Siońnia zafiksavali 639 novych vypadkaŭ, učora 897.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA124
Kamientary