Administracyja Centralnaha rajona patrabuje źviestki ab kvaterach, dzie ŭ voknach — «ściahi i listoŭki»
Administracyja Centralnaha rajona Minska patrabuje ŭ staršyniaŭ tavarystvaŭ ułaśnikaŭ źviestki ab uładalnikach kvater. Cikaviać tyja, u kaho na voknach visić niedziaržaŭnaja simvolika — ściahi i ŭlotki. Voś jak vyhladaje list, jaki rassyłajuć tavarystvam, pakul tolki ŭ čatach, piša Tut.by.
Dakumient učora (24 listapada) skinuli ŭ čat tavarystvaŭ u vajbierie. Administracyja Centralnaha rajona patrabuje ŭ staršyniaŭ praŭleńnia tavarystvaŭ ułaśnikaŭ dać numary kvater i telefonaŭ ułaśnikaŭ, u jakich «na fasadzie budynkaŭ (voknach) majecca niedziaržaŭnaja simvolika (cciahi, ulotki)».
— U hetym čacie administracyja zvyčajna publikuje niejkija abjavy dla tavarystvaŭ. Učora skinuli taki dakumient, — raspavioŭ Tut.by surazmoŭca. — Mnohija potym surjozna abmiarkoŭvali, ci ličacca biełyja arkušy farmatu A4, jakija ciapier nalaplajuć na vokny, ulotkami, pytalisia, ci treba paviedamlać, kali ściahi visiać na voknach, jakija vychodziać na dvor. Niezrazumieła naohuł, jakuju siłu maje takaja papiera — nakolki ja viedaju, jaje navat nie dasyłali pa pošcie.
Kali staršyni praŭleńnia tavarystvaŭ nie vykanajuć zahad, im pahražajuć artykułam 23.1 KaAP (Nievykanańnie piśmovaha patrabavańnia (pradpisańnia)).
— Budziem pisać adkazy. U nas «faktaŭ», pra jakija pišuć, niama, — koratka skazaŭ staršynia adnaho z tavarystvaŭ ułaśnikaŭ ŭ Centralnym rajonie.
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta5
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary