Адміністрацыя Цэнтральнага раёна патрабуе звесткі аб кватэрах, дзе ў вокнах — «сцягі і лістоўкі»
Адміністрацыя Цэнтральнага раёна Мінска патрабуе ў старшыняў таварыстваў уласнікаў звесткі аб уладальніках кватэр. Цікавяць тыя, у каго на вокнах вісіць недзяржаўная сімволіка — сцягі і ўлёткі. Вось як выглядае ліст, які рассылаюць таварыствам, пакуль толькі ў чатах, піша Tut.by.
Дакумент учора (24 лістапада) скінулі ў чат таварыстваў у вайбере. Адміністрацыя Цэнтральнага раёна патрабуе ў старшыняў праўлення таварыстваў уласнікаў даць нумары кватэр і тэлефонаў уласнікаў, у якіх «на фасадзе будынкаў (вокнах) маецца недзяржаўная сімволіка (cцягі, улёткі)».
— У гэтым чаце адміністрацыя звычайна публікуе нейкія аб'явы для таварыстваў. Учора скінулі такі дакумент, — распавёў Tut.by суразмоўца. — Многія потым сур'ёзна абмяркоўвалі, ці лічацца белыя аркушы фармату А4, якія цяпер наляпляюць на вокны, улёткамі, пыталіся, ці трэба паведамляць, калі сцягі вісяць на вокнах, якія выходзяць на двор. Незразумела наогул, якую сілу мае такая папера — наколькі я ведаю, яе нават не дасылалі па пошце.
Калі старшыні праўлення таварыстваў не выканаюць загад, ім пагражаюць артыкулам 23.1 КаАП (Невыкананне пісьмовага патрабавання (прадпісання)).
— Будзем пісаць адказы. У нас «фактаў», пра якія пішуць, няма, — коратка сказаў старшыня аднаго з таварыстваў уласнікаў ў Цэнтральным раёне.
-
Памёр бізнэсмен з 90-х Аляксандр Сманцар. Гэта ён у 2010 званіў Статкевічу на Плошчу і заклікаў «сядаць у крэсла Сідорскага»
-
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер
-
Нямецкі дэпутат, які мае пад Лідай фірму па перапрацоўцы цыбулі, выклікаў паліцыю на журналістаў і былога беларускага вязня
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер3
Каментары