nievykanańniem šerahu pałažeńniaŭ antykryzisnaha płana sumiesnych dziejańniaŭ z Rasijaj
Premjer-ministr Siarhiej Sidorski zaniepakojeny nievykanańniem šerahu pałažeńniaŭ płana sumiesnych dziejańniaŭ uradaŭ Biełarusi i Rasii pa pieraadoleńni nastupstvaŭ suśvietnaha finansava-ekanamičnaha kryzisu.
Pra heta jon zajaviŭ 19 maja na sustrečy ź dziaržsakratarom Sajuznaj dziaržavy Paŭłam Baradzinym napiaredadni zapłanavanaha na 28 maja ŭ Minsku pasiadžeńnia sajuznaha Saŭmina.
"Na žal ekśpierty pakul nie znachodziać varyjanty vyrašeńnia tych daručeńniaŭ, jakija premjery dali ŭ minuły raz, padpisaŭšy antykryzisny płan", — zajaviŭ S.Sidorski.
U pryvatnaści, jon vykazaŭ zaniepakojenaść abmiežavańniem pramych pastavak biełaruskaj techniki ŭ Rasiju.
"Raśsielhasbank" nie kredytuje biełaruskuju techniku. Heta značyć faktyčna pastaŭki techniki pa pramych dahavorach abmiežavany. Ja dumaju, što heta budzie pradmietam našych pieramoŭ. My ŭnieśli šerah prapanoŭ pa padtrymcy kredytavańnia jak u Biełarusi, tak i ŭ Rasii", — skazaŭ premjer-ministr.
Jon zaznačyŭ, što z-za ŭpłyvu finansavaha kryzisu tavaraabarot pamienšyŭsia na 40% i praciahvaje źnižacca.
"Pakul nie adčuvajecca zamacavańnia našych damoŭlenaściej na papiarednim sajuznym Saŭminie. Heta vyklikaje zaniepakojenaść", — zajaviŭ S.Sidorski.
Kiraŭnik biełaruskaha ŭrada padkreśliŭ, što Biełaruś "nie prymaje i nie ŭvodzić inšych abmiežavalnych mier, navat va ŭmovach finansavaha kryzisu, i robić usio, kab naš rynak byŭ maksimalna adkryty dla tavaraŭ z sumiežnych dziaržaŭ".
Pavodle słoŭ S.Sidorskaha, jość šerah pytańniaŭ, vyrašeńnie jakich biełaruski bok chacieŭ by aktyvizavać. "Na dvary maj, a my damaŭlalisia, što ŭ pieršym kvartale hetaha hoda zakončym pracu pa płanie sumiesnych antykryzisnych mierapryjemstvaŭ", — zaznačyŭ premjer-ministr.
Kamientary