Nieviadomyja, jakija adklučajuć elektryčnaść u pratesnych damach, papali na VIDEA
Na hety raz bieź śviatła zastalisia niekatoryja žychary kvartała «Mahistr». Zapazyčanaść za kvateru ŭ ich była častkovaja i z 25 listapada, heta značyć mienš za 15 dzion. U słužbie 115 skazali, što siamja ŭ śpisie daŭžnikoŭ nie ličycca, bo tudy traplajuć tyja, chto praterminavaŭ apłatu na dva i bolš miesiacaŭ. U ŽEU zajavili, što śviatło adklučyli nie jany. Pry hetym kamiera videanazirańnia, jakaja visić la ŭvachodu ŭ padjezd, zafiksavała, chto prychodziŭ u toj čas, kali źnikła elektryčnaść, piša Tut.by.
«Žonka patelefanavała ŭ 115, tam skazali, što ŭ śpisie daŭžnikoŭ nas niama. Prapanavali pakinuć zajaŭku, kab majstar pryjechaŭ i ŭsio naładziŭ, — raspaviadaje minčuk Maksim. — Paźniej nam pieratelefanavali z avaryjki i skazali, što my ŭsio ž taki ŭ śpisie na adklučeńnie elektryčnaści praz zapazyčanaść pa kvartpłacie, maŭlaŭ, jany nie pryjeduć. U nas žyllo arendnaje. Arenda idzie razam z kamunałkaj. Zapazyčanaść była daloka nie za dva miesiacy, dy i składała ŭsiaho kala 100 rubloŭ. Naohuł my ŭ miesiac płacim bolš za 300 rubloŭ. Žonka pieratelefanavała ŭ 115, a tam užo kažuć, što ŭ nas niavypłata. My patelefanavali va ŭsie mahčymyja kamunalnyja słužby, nichto nie pryznaŭsia, što za ludzi adklučyli elektryčnaść. U ŽEU skazali, što jany nam śviatło nie adklučali».
Paśla hetaha Maksim vyklikaŭ milicyju.
«A što jašče rabić? Niezrazumieła chto, niezrazumieła čamu, biez papiaredžańnia pryjšoŭ, zalez u ščytok i prosta vyklučyŭ mnie elektryčnaść. Pry hetym nichto ničoha nie apiačataŭ, płomby nie było. U śpisach 115 nas nie było ŭ daŭžnikach. Značyć heta niejkija złydni adklučyli», — ličyć jon.
Kamiera videanazirańnia, jakaja visić la padjezda doma Maksima, zafiksakvała, chto zachodziŭ tudy ŭ toj čas, kali ŭ ludziej źnikła elektryčnaść.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii23
Kamientary