Cichanoŭskaja: Spartyŭnaje śviata nie moža prachodzić u krainie, dzie palitviaźni siadziać u karcarach
Śviatłana Cichanoŭskaja prakamientavała vizit kiraŭnika IIHF u Minsk dla sustrečy z Alaksandram Łukašenkam nakont praviadzieńnia čempijanatu śvietu pa chakiei.
«Vizit Rene Fazela ŭ Minsk pakazaŭ niepaśladoŭnaść, jakaja moža naškodzić reputacyi samoj IIHF.
Spartyŭnaje śviata nie moža prachodzić u krainie, dzie palitviaźni siadziać u karcarach za niekalki kiłamietraŭ ad ladovych aren. Šviejcarac Fazel moh by abaraniać hramadzianku Šviejcaryi Natallu Chierše, jakuju «sumlenny sud» prysudziŭ da 2,5 hoda źniavoleńnia za zryŭ bałakłavy z amapaŭca. Zamiest hetaha jon marudzić z zajavami i stavić pad sumnieŭ pavahu da biełaruskaha naroda.
Ja viedaju, što mnohija chakieisty, zbornyja i fiederacyi krain nie źbirajucca jechać na čempijanat, jaki źjaŭlajecca šyrmaj dla pravavoha defołtu, katavańniaŭ i zabojstvaŭ. Dla ich, jak i dla nas, svaboda, čałaviečaja hodnaść i zakon važniejšyja lubych pastoŭ i ŭznaharod. Čempijanat pavinien być pieraniesieny ź Minska. U advarotnym vypadku ja zaklikaju ŭsie nacyjanalnyja fiederacyi jaho bajkatavać», — havorycca ŭ zvarocie palityka.
Łukašenka ŭpieršyniu źjaviŭsia na publicy razam z mamaj Koli37
Kamientary