Za najezd na nahu supracoŭnika DAI minčuka buduć sudzić za zamach na zabojstva — pakarańnie za taki artykuł ad 10 hod da rasstrełu

45-hadovaha minčuka Alaksandra Trockaha abvinavačvajuć u zamachu na zabojstva supracoŭnika orhanaŭ unutranych spraŭ. Pavodle abvinavačvańnia, jon najechaŭ 12 žniŭnia na svajoj mašynie na nahu supracoŭnika DAI. U toj viečar kala Steły mašynu Alaksandra spynili ŭzbrojenyja ludzi, kali jon admoviŭsia vychodzić da ich z mašyny, to vybili šyby, dastali jaho z sałona i mocna źbili. Z čerapna-mazhavoj traŭmaj pad kanvojem i ŭ kajdankach jon pravioŭ u špitali try tydni.

Zatym Alaksandra Trockaha pieraviali ŭ SIZA-1 pa kryminalnaj spravie za hvałt u dačynieńni da milicyjanta (art. 364 KK). Ale pierad pieradačaj spravy ŭ prakuraturu śledčyja pierakvalifikavali abvinavačańnie na bolš žorstkaje — zamach na zabojstva supracoŭnika orhanaŭ unutranych spraŭ (art. 362 Kryminalnaha kodeksa). Kryminalnuju spravu suprać minčuka nieŭzabavie budzie razhladać Minski haradski sud. Akramia hetaha, 22 studzienia sud Centralnaha rajona asudziŭ Alaksandra na 15 sutak za niepadparadkavańnie supracoŭniku AMAPa 12 žniŭnia.

«Viasna» pahavaryła z žonkaj Alaksandra Irynaj, vałanciory «Viasny» manitoryli administracyjny praces nad Trockim — raspaviadajem usio, što viadoma pa spravie.

Pavialičyć

Što adbyłosia žnivieńskim viečaram pamiž Alaksandram Trockim i supracoŭnikami DAI i AMAPa?

Alaksandra zatrymali 12 žniŭnia kala Steły pa darozie dadomu.

«Usio adbyłosia 12 žniŭnia kala 20:00. Jak mnie potym skazali, muž pavaročvaŭ ź Mielnikajcie na praśpiekt Pieramožcaŭ, daroha była pustaja. I ŭ hety momant mašynu spynili ŭzbrojenyja ludzi, kala 10 čałaviek, skazali vychodzić z mašyny. Jon nie pahadziŭsia i tady pačuŭ, što buduć stralać, hetyja ludzi stali bić škło, muž źjechaŭ. Ciapier, pavodle viersii śledstva, jon najechaŭ na nahu milicyjanta», — raspaviadała Iryna, žonka Alaksandra, paśla incyndentu TUT.BY.

U toj viečar pres-sakratarka MUS Volha Čamadanava ŭ Telegram-kanale, paviedamiła, što «kala 20:00 na skryžavańni vuł. Mielnikajcie i pr-ta Pieramožcaŭ u Minsku 45-hadovy mužčyna za rulom «Škody» ździejśniŭ najezd na supracoŭnika DAI. Kiroŭca pasprabavaŭ schavacca ź miesca zdareńnia, ale nieŭzabavie byŭ zatrymany. Dla zatrymańnia transpartnaha srodku supracoŭniki Dziaržaŭtainśpiekcyi vykarystoŭvali tabielnuju zbroju».

Taksama ŭ viedamstvie paviedamili, što supracoŭniku milicyi akazana miedycynskaja dapamoha i jon dastaŭleny ŭ miedustanovu. Adnak toje, što i kiroŭca «Škody» byŭ dastaŭleny ŭ balnicu paśla źbićcia, Čamadanava zmaŭčała.

«Pry zatrymańni ŭ mašynie vybili šyby, tak dastali muža z sałona i źbili. Što było dalej — nie viedaju. Nočču sa mnoj źviazaŭsia miedpiersanał 5-j balnicy, paviedamiŭ, što Alaksandr pastupiŭ z dyjahnazam čerapna-mazhavaja traŭma, hłuchata, pry hetym byŭ mocna źbity», — raspaviadaje žonka Alaksandra.

U 5-j kliničnaj balnicy mužčyna znachodziŭsia try tydni. Za hety čas u pałatu da Alaksandra nikoha z rodnych nie puścili. Jon byŭ prykavany kajdankami da łožka, jaho achoŭvaŭ kanvoj. Treciaha vieraśnia Alaksandra ź lakarni pieraviali ŭ SIZA №1 na vulicy Vaładarskaha, dzie jon znachodzicca i ciapier. Iryna raspaviadaje, što jaje muž u listach piša, što ciapier «zdaroŭje niadrenna». 

Pavialičyć

Sprava pieradadziena ŭ Minharsud

U dačynieńni da Alaksandra adrazu raspačali kryminalnuju spravu pavodle art. 364 Kyrminalnaha kodeksa — hvałt u dačynieńni da supracoŭnika orhanaŭ unutranych spraŭ. Adnak u śniežni — pierad pieradačaj spravy ŭ prakuraturu — abvinavačvańnie pierakvalifikavali. Ciapier Alaksandra Trockaha abvinavačvajuć pa č. 1 art. 362 Kryminalnaha kodeksa — zamach na zabojstva supracoŭnika orhanaŭ unutranych spraŭ u suviazi z vykanańniem im abaviazkaŭ pa achovie hramadskaha paradku.

Sankcyja artykuła 362 Kryminalnaha kodeksa praduhledžvaje pakarańnie ŭ vyhladzie pazbaŭleńnia voli na termin ad dziesiaci da dvaccaci piaci hadoŭ, pažyćciovaje źniavoleńnie, śmiarotnaje pakarańnie. Zhodna č. 2 art. 14 KK adkaznaść za zamach na złačynstva nadychodzić pa tym ža artykule kodeksa, što i za zakončanaje złačynstva.

Kryminalnaja sprava suprać Alaksandra Trockaha ŭžo pieradadziena ŭ Minski haradski sud — nieŭzabavie pačniecca sudovaje raźbiralnictva.

Za niepadparadkavańnie pa 23.4 KaAP 12 žniŭnia Trockaha asudzili praz paŭhoda

U piatnicu, 22 studzienia, kali kryminalnaja sprava suprać Alaksandra ŭžo znachodziłasia ŭ Minharsudzie, Centralny sud razhledzieŭ administracyjnuju spravu suprać jaho za niepadparadkavańnie supracoŭniku AMAPa 12 žniŭnia — pavodle art. 23.4 KaAP. Hety paŭtorny razhlad spravy, novy pratakoł na jaho byŭ składzieny 22 śniežnia. Sudździa Dźmitryj Karsiuk asudziŭ Alaksandra Trockaha na 15 sutak administracyjnaha aryštu.

Sud nie zabiaśpiečyŭ prysutnaść Alaksandra pa administracyjnym pracesie navat praz skajp. Na razhladzie administracyjnaj spravy kamandzir 5 roty AMAP HUUS Minharvykankama Dźmitryj Karata, jakomu nibyta akazaŭ niepadparadkavańnie Trocki, źjavicca nie zmoh — «z 20 da 24 studzienia znachodzicca ŭ słužbovaj kamandziroŭcy».

Pavialičyć

Advakat u sudzie skazaŭ, što Alaksandr Trocki nie pryznaje vinu i hetaje pravaparušeńnie jon nie ździajśniaŭ. Pavodle jaho słovaŭ, mužčyna hatovy byŭ padać patrebnyja dakumienty supracoŭniku AMAPa praz fortku aŭtamabila i adkryć bahažnik dla ahladu, zastajučysia ŭ sałonie aŭto. Tamu Trocki nie akazvaŭ niepadparadkavańnie supracoŭniku AUS. Adnak sudździa Dźmitryj Karsiuk pryniaŭ rašeńnie pryznać Alaksandra Trockaha vinavatym pa art 23.4 KaAP i asudziŭ na 15 sutak administracyjnaha aryštu.

• 0
• 0
• 0
• 0
• 0
• 0
• 0
• 0