U Minzdaroŭja raskazali, kali pačnuć pryščaplać ad karanavirusa ŭsich achvotnych
Vakcynacyja ad karanavirusa ŭ Biełarusi pačałasia 29 śniežnia minułaha hoda. Ciapier pryščaplajuć miedykaŭ.
Kiraŭnik Ministerstva achovy zdaroŭja Dźmitryj Pinievič u efiry «Biełaruś 1» paviedamiŭ, što 9 lutaha ŭ krainu pastupiła 40 tysiač vakcyn, u pačatku sakavika čakajecca jašče 100 tysiač, paviedamlaje Tut.by.
U pačatku sakavika pačnuć pryščaplać piedahohaŭ, rabotnikaŭ handlu — tych, u kaho šmat kantaktaŭ ź ludźmi.
— U kancy sakavika my płanujem masavy vychad vakcyny ajčynnaj vytvorčaści razam z našymi rasijskimi kalehami. Tady my ŭžo pačniom pryščaplać usie katehoryi nasielnictva: tych, chto vykaža žadańnie i ŭ kaho nie budzie supraćpakazańniaŭ, — skazaŭ Pinievič.
Raniej kiraŭnik Ministerstva achovy zdaroŭja paviedamlaŭ, što za studzień, luty, sakavik i krasavik płanavali vakcynavać 1,2 młn ludziej, a zatym vyjści na pakazčyk u 5-5,5 młn pryščeplenych ad karanavirusnaj infiekcyi.
Što tyčycca vytvorčaści rasijskaj vakcyny ŭ Biełarusi, to dla hetych metaŭ buduć zadziejničanyja dźvie placoŭki «Biełmiedpreparataŭ» u Minsku i mahutnaści viciebskaha pradpryjemstva «BiełVitunifarm».
-
Natchnionyja «Aziempikam» farmkampanii ŭstupili ŭ honku pa raspracoŭcy anałahaŭ dla žyvioł
-
Cudaŭ nie budzie dla tych, chto spadziavaŭsia schudnieć biez dyjety. Papularnaje intervalnaje haładańnie nie dziejničaje biez deficytu kałoryj
-
U Minsku adkryjuć dźvie dziaržaŭnyja vietkliniki z kruhłasutačnym pryjomam
«Lublu, kali biełarusy biełarusiacca»: u sacsietkach žartujuć z nadvorja i abmiarkoŭvajuć prablemy3
Kamientary