U Viciebsku žančyna źbiła sužyciela da pieršaj hrupy invalidnaści. Kolki dali?
29‑hadovaja žycharka Viciebska mocna źbiła svajho 37‑hadovaha sužyciela. Nastupstvy pabojaŭ akazalisia niezvarotnymi.
Para pražyła razam dva hady, i amal uvieś hety čas supravadžaŭsia skandałami i bojkami, piša «MahileŭAnłajn». Žančyna rehularna padymała ruku na mužčynu, u 2025 hodzie jaje navat štrafavali za chulihanstva. Sam paciarpieły ŭ milicyju nikoli nie źviartaŭsia.
Zdareńnie adbyłosia ŭ lipieni minułaha hoda padčas čarhovaha zastolla ź siabrami. Paśla svarki mužčyna pajšoŭ spać u susiedni pakoj, spadziejučysia skončyć kanflikt. Adnak sužycielka pajšła za im i pačała źbivać: jana naniesła jamu jak minimum šeść udaraŭ rukami i nahami pa hałavie i ciele.
Mužčyna atrymaŭ zakrytuju čerapna-mazhavuju traŭmu. Paśla hetaha ŭ jaho raźviłosia ciažkaje psichičnaje rasstrojstva, z-za jakoha miedyki pryznačyli jamu pieršuju hrupu invalidnaści.
Za naŭmysnaje pryčynieńnie ciažkich cialesnych paškodžańniaŭ sud prysudziŭ joj 4 hady abmiežavańnia voli z nakiravańniem u papraŭčuju ŭstanovu adkrytaha typu (tak zvanuju «chimiju»).
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary
A kali fieministkam pakazvaješ taki artykuł - uklučajuć tak "nielubimaje" imi abvinavačvańnie achviary - "mužyk sam niešta zrabiŭ, što tak davioŭ žančynu, što taja nie vytrymała i joj _daviałosia_ jaho pabić"