Žycharu Połackaha rajona dali 7 sutak aryštu: jaho dom pafarbavany ŭ bieł-čyrvona-bieły koler i bačny z čyhunki
Žychara Połackaha rajona ź vioski Alešča Anatola Kachančyka asudzili na 7 sutak aryštu: mužčyna pafarbavaŭ svoj pryvatny dom u kolery bieł-čyrvona-biełaha ściaha, piša Tut.by.

Anatola zatrymali ŭviečary 9 lutaha, na jaho skłali pratakoł pa artykule 23.34 KaAP (Parušeńnie paradku arhanizacyi abo praviadzieńnia masavych mierapryjemstvaŭ) — za toje, što častka jaho doma pafarbavanaja ŭ kolery nacyjanalnaha ściaha.
Mužčyna znachodziŭsia ŭ IČU. 11 lutaha sudździa Połackaha rajona i Połacka Uładzimir Biasiecki asudziŭ Kachančyka na 7 sutak aryštu.
Anatol Kachančyk pracuje na čyhuncy i žyvie kala jaje. Jaho dom ź bieł-čyrvona-biełym koleram dobra bačny pasažyram ciahnikoŭ, jakija prajazdžajuć mima.
Stancyja Alešča znachodzicca za 30 km ad Połacka.
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje

Kamientary