Na vybarach u Jeŭraparłamient pieramahli kansiervatary

Asablivaje značeńnie maje pravał sacył-demakrataŭ u Niamieččynie. A ŭ Šviecyi deputacki mandat zavajavaŭ pradstaŭnik ad Partyi pirataŭ, treciaj pa kolkaści ŭ krainie.

Pravacentrysckija partyi zachavajuć kantrol u Jeŭraparłamiencie, choć jany i pakazali horšy vynik, čym piać hadoŭ tamu. Takija źviestki pakazaŭ papiaredni padlik hałasoŭ na vybarach.

Jeŭrapiejskija vybarcy vyrašali hetymi dniami los 736 mandataŭ. U niadzielu hałasavańnie prajšło ŭ 19 krainach ES, u vaśmi inšych jano adbyvałasia z čaćviarha pa subotu.

Pavodle papiaredniaj infarmacyi, najbujniejšaje jeŭrapiejskaje nadnacyjanalnaje palityčnaje abjadnańnie — Jeŭrapiejskaja narodnaja partyja zachavaje kantrol nad Jeŭraparłamientam. U ich budzie ad 267 da 271 miescaŭ.

Druhoj palityčnaj siłaj zastanucca sacyjalisty (157 — 161 mandat). Choć mienavita jany najbolš stracili na hetych vybarach.

Aljans libierałaŭ i demakrataŭ Jeŭropy moža raźličvać na 80—82 deputackija mandaty, zialonyja na 51.

Dalej iduć Sajuz za Jeŭropu nacyj — zhurtavańnie jeŭraskieptyčnych palityčnych siłaŭ (brytanskija kansiervatary, polskaja partyja «Zakon i spraviadlivaść», česki Hramadzianski forum) z 35 mandatami, abjadnanyja levyja (kamunisty, levaki i trackisty) z 33, hrupa niezaležnych deputataŭ z 20-ci.

Pradstaŭniki krajnie pravych partyj atrymali ahułam kala saraka mandataŭ. Ich kandydaty prajšli ŭ Brytanii, Niderłandach, Danii, Francyi, Aŭstryi, Słavaččynie, Rumynii, Baŭharyi, Italii.

Francyja

Pavodle papiarednich źviestak, tut na jeŭravybarach pieramahła kiroŭnaja partyja Sajuz u padtrymku narodnaha ruchu (27,87%).

Na dolu Francyi ŭ Jeŭraparłamiencie prychodzicca 72 deputackija miescy. Pravyja atrymajuć 30 miescaŭ, za sacyjalistaŭ prahałasavali 16,48% (heta ‑‑ 14 miescaŭ), treciaje miesca ŭ «zialonych» — 16,28%.

Brytanija

Lejbarysty tut paciarpieli sakrušalnuju parazu.

Sami vybary vyjhrali kansiervatary, za jakich prahałasavali 28,6% vybarcaŭ. Lejbarystaŭ navat abahnała Partyja niezaležnaści (h.zv. jeŭraskieptyki), za ich addali hałasy 17,4% vybarcaŭ. Za lejbarystaŭ ža prahałasavali 15,3% brytancaŭ, za libieralnych demakrataŭ — 14%, za «zialonych» — 8,7%.

Dla lejbarystaŭ vynik vybaraŭ najhoršy z 1920‑ch hadoŭ. Siensacyjaj taksama stała prachodžańnie ŭ parłamient dvuch pradstaŭnikoŭ ad ultrapravaj Brytanskaj nacyjanalnaj partyi, jakuju ŭ Jeŭraparłamiencie nazyvajuć nacysckaj.

U Brytanii na vybarčyja ŭčastki pryjšli 34,7% vybarcaŭ.

Niamieččyna

Tut pieramahła kiroŭnaja kaalicyja CHDS/CHSS — 37,9%, za sacyjał‑demakrataŭ prahałasavali 20,8%, za zialonych — 12,1%, za Svabodna‑demakratyčnuju partyju — 11%, za postkamunistyčnuju lavicu — 7,5%.

Italija

Partyja Silvijo Bierłuskoni «Narod Svabody» nabrała 35,6% hałasoŭ, što na dva pracenty mieniej, čym na papiarednich vybarach,

apazicyjnaja Demakratyčnaja partyja nabrała 24,4%, a heta na siem pracentaŭ mieniej, čym na papiarednich vybarach. Liha Poŭnačy atrymała 9,6% hałasoŭ.

Irłandyja

Tut pieramahła apazicyjnaja Fine Heł, jakaja atrymała 30% hałasoŭ.

Za Fianu Fajł prahałasavali 23% vybarcaŭ, lejbarystaŭ — 16%, za Šyn Fejn — 12%, zaznačaje Jeŭrańjus.

Šviecyja

U hetaj krainie z 18 deputackich mandataŭ adzin mandat atrymaŭ pradstaŭnik ad Partyi pirataŭ.

Darečy, hetaja partyja, što vystupaje za ablahčeńnie zakanadaŭstva ŭ śfiery intelektualnaj ułasnaści, treciaja pa kolkaści ŭ krainie.

Polšča

Hramadzianskaja płatforma nabrała 44% hałasoŭ, Prava i Spraviadlivaść — 27,4%, lavica — 12,3%, paviedamlaje Hazieta Vyborča.

Čechija

Hramadzianskaja demakratyčnaja partyja na vybarach u Čechii nabrała 31,43% hałasoŭ, što daje joj dzieviać mandataŭ, za sacyjał‑demakrataŭ tut prahałasavali 22% vybarcaŭ.

Litva

Sajuz Ajčyny — chryścijanskija demakraty nabraŭ 26,4% hałasoŭ (4 mandaty), Sacyjał‑demakratyčnaja partyja — 18,62% (3 mandaty), Partyja «Paradak i spraviadlivaść» — 12,24%, Partyja pracy — 8,81% (2 mandaty), Vybarčaja akcyja palakaŭ — 8,46%, Ruch libierałaŭ — 7,35% (abiedźvie partyi atrymajuć pa adnym mandacie), a voś za Žmudskuju partyju prahałasavali tolki 1,26% vybarcaŭ, paviedamlaje dełfi.

Łatvija

Pieramohu atrymała kansiervatyŭnaja partyja «Hramadzianski sajuz» (24,32%), druhoje miesca zaniaŭ rusafilski «Centr zhody» (19,53%), što vyjhraŭ municypalnyja vybary. Hetyja partyi atrymajuć pa dva deputackija miescy, zaznačaje novonews.lv

Estonija

Vybary vyjhrała Centrysckaja partyja i niezaležny kandydat Indrek Tarand, jakija na paru sabrali 200 tysiač hałasoŭ, piša Postimees.

Centrysty atrymajuć dva miescy ŭ Jeŭraparłamiencie. Za jakich prahałasavali 103 tys 525 vybarcaŭ, za Indreka Taranda - 102 509 čałaviek. Tarand navat abahnaŭ Partyju reformaŭ (60 899 hałasoŭ), za Sajuz Isamaa i Res Publica prahałasavali 48 489 čałaviek, za sacyjał-demakrataŭ - 34 554, jašče adzin niezaležny kandydat Dźmitry Klenski - 7 152 hałasoŭ.

***

Ahułam jaŭka na vybarach skłała 43,24% ‑‑ samy nizki pakazčyk za ŭsiu historyju vybaraŭ u Jeŭraparłamient.

Dastatkova vysokuju aktyŭnaść prajavili hramadzianie Italii (67%), Danii (59.5%), Kipra (59%), Irłandyi (55%).

Najmieniej dyscyplinavanymi akazalisia hramadzianie Francyi (41%), Bałharyi i Šviecyi (35%), Partuhalii (33%), Čechii (25%), Słavienii (22.3%), Słavakii (19.6%).

• 0
• 0
• 0
• 0
• 0
• 0
• 0
• 0