Jak i za što zatrymali hałoŭnaha redaktara i fatohrafa «Našaj Nivy» 27 sakavika VIDEA
Na hałoŭnaha redaktara «Našaj Nivy» Jahora Marcinoviča ŭ Frunzienskim RUUS paśla zatrymańnia 27 sakavika skłali dva pratakoły — za nibyta ŭdzieł u akcyi i nibyta za niepadparadkavańnie supracoŭnikam milicyi. Razam ź im była zatrymanaja fatohraf Nadzieja Bužan. Prykładna ŭ toj ža čas u inšym punkcie zatrymali karespandenta Kaciarynu Karpickuju. Ich abiedźviuch urešcie adpuścili biez pratakoła.
Što papiaredničała zatrymańniu? Publikujem videa hetaj situacyi. Jahor Marcinovič paprasiŭ Nadzieju Bužan padabrać mabilnik, jaki adzin z kiroŭcaŭ padniaŭ z darohi i kinuŭ u travu. Daišniki i amapaŭcy, jakija praz 50—100 mietraŭ spynili aŭtamabil z žurnalistami, pytalisia: «Dzie telefon?»
Adnak u pratakole pra pajezdku na mašynie i pra telefon niama ni słova. Rabotniki milicyi zaśviedčyli, što Jahor Marcinovič udzielničaŭ u pikiecie kala «Makdonaldsa», a paśla siadzieŭ na ziamli, upiraŭsia i nie chacieŭ iści ŭ aŭtazak. Paśla składańnia pratakołaŭ siłaviki nakłali aryšt na telefon redaktara. Technika zastałasia zabłakavanaj.
Kamientary