Nazvali papiaredniuju pryčynu nadzvyčajnaha zdareńnia z chłoram u azdaraŭlalnym kompleksie ŭ Sierabrancy
Nadzvyčajnaje zdareńnie z chłoram u staličnym fizkulturna-azdaraŭlalnym kompleksie mahło adbycca z-za parušeńnia technałahičnaha rehłamientu pa absłuhoŭvańni dazujučaj stancyi: chtości pamyłkova ŭ jomistaść z chłoram zaliŭ kaahulant. Takuju papiaredniuju pryčynu ahučyli ŭ MNS Minska.
Nahadajem, viečaram niadzieli 28 sakavika naviedvalniki fizkulturna-azdaraŭlenčaha kompleksu ŭ Sierabrancy paviedamili ratavalnikam ab rezkim zadušlivym pachu.
— Trochi za dziaviatuju viečara padyšoŭ achoŭnik z racyjaj i paprasiŭ: «Pakińcie, kali łaska, budynak». Naviedvalnikam skazali, što ŭ padvale prarvała chłor, heta vielmi niebiaśpiečna: možna abpalić lohkija. My pajšli ŭ raspranalniu, ale litaralna adrazu ž da nas padyšli supracoŭniki MNS u abmundziravańni i skazali pakidać budynak jak maha chutčej, — raspaviadaŭ TUT.BY naviedvalnik Siarhiej. — U trenažornaj zale było 10-15 čałaviek maksimum. Vosiem chłopcaŭ, moža, piać dziaŭčat. Značna bolš vychodziła ludziej z basiejna, jany raźmieščany na adnym paviersie.
Paźniej stała viadoma, što 82 čałavieki evakujavanyja (u tym liku 70 naviedvalnikaŭ), adzin supracoŭnik špitalizavany z papiarednim dyjahnazam «atručeńnie chłoram».
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam6
Kamientary