Biełarusam prychodziać paviedamleńni ab aŭtamabilnych štrafach ad nieisnujučych arhanizacyj
Reahavać na ich nie treba, a adkryvać spasyłki, jakija źmiaščajucca ŭ hetych paviedamleńniach, moža być niebiaśpiečna.
«Listy ščaścia» prychodziać ad «Darožnaj inśpiekcyi biaśpieki darožnaha ruchu Biełarusi» abo «Respublikanskaha centra apracoŭki darožnych štrafaŭ Biełarusi» i paviedamlajuć pra nibyta nieapłačanyja štrafy. Pry hetym atrymalnika paviedamleńnia zaklikajuć terminova pryniać miery: «Zastałosia tolki 3 hadziny dla svoječasovaj apłaty», piša Onliner.by.
Voś niekalki prykładaŭ takich paviedamleńniaŭ, pradstaŭlenych čytačami Onliner.by.
Reahavać na takija paviedamleńni nie treba, a pierachodzić pa spasyłkach u ich niebiaśpiečna. Paviedamleńni rassyłajucca machlarami, jakija majuć na mecie kradziež hrošaj, a infarmacyja pra nibyta ździejśnienyja parušeńni i štrafy — tolki padstava.
U Ministerstvie ŭnutranych spraŭ Biełarusi karespandentu Onlíner paćvierdzili, što takija paviedamleńni nie źjaŭlajucca sapraŭdnymi i pravaachoŭnymi orhanami Biełarusi nie rassyłajucca.
— Čysty fišynh, — zajavili ŭ ministerstvie.
Tam adznačyli, što ni DIBDR, ni «darožnaj palicyi», ni «Respublikanskaha centra apracoŭki darožnych štrafaŭ Biełarusi» ŭ krainie nie isnuje.
Užo adno heta pavinna śviedčyć pra toje, što takija paviedamleńni treba prosta vydalać. Akramia taho, u paviedamleńniach prysutničaje spasyłka mvd_pl, jakaja taksama nie maje nijakaha dačynieńnia da biełaruskaha MUS i viadzie na machlarski resurs.
U MUS padkreślili: Dziaržaŭtainśpiekcyja Biełarusi nie rassyłaje spasyłki na apłatu štrafaŭ i nie prapanuje pieravodzić hrošy praz staronnija servisy. Apłacić štraf možna tolki praź JERIP, bank abo poštu.
— Ni ŭ jakim razie nie pierachodźcie pa padobnych spasyłkach, asabliva z zamiežnymi damienami, i nikoli nie ŭvodźcie danyja karty na sumnieŭnych sajtach, — papiaredzili ŭ MUS. — Kali padazrajacie, što možacie stać achviaraj kibiermachlaroŭ, nieadkładna paviedamicie pra heta ŭ milicyju.
Ciapier čytajuć
Łukašenka zajaviŭ pra hatoŭnaść pryjechać u Kijeŭ70
Kamientary