Vakcynacyja: krainy ES dasiahnuć kalektyŭnaha imunitetu ŭ lipieni, ZŠA — u červieni
U Złučanych Štatach u apošnija dni štodzionna pryščaplajuć bolš za 3 miljony čałaviek. U Jeŭrasajuzie ŭ hetym miesiacy atrymajuć 100 miljonaŭ doz vakcyn.
Kalektyŭny imunitet u papulacyi vypracoŭvajecca, kali na chvarobu niepaddatnyja 70-85% nasielnictva. Paśla hetaha virus pačynaje zhasać, upirajučysia ŭ niabačny barjer: vakoł nośbitaŭ zastajecca zamała patencyjnych pieranosčykaŭ.
Na siońnia ŭ ZŠA jak minimum adnu dozu vakcyny atrymali 32% nasielnictva, u Litvie — 15%, u Polščy i Niamieččynie — 12%. Na dumku jeŭrakamisara pa pytańniach pramysłovaści Tjery Bretona, jaki ŭ Jeŭrakamisii adkazvaje za pytańni vytvorčaści vakcyn ad kavidu, u krainach ES, z ulikam rostu tempu vakcynacyi, kalektyŭny imunitet budzie dasiahnuty ŭ siaredzinie lipienia, piša «Mond». U ZŠA heta zdarycca na miesiac-paŭtara raniej.
Rasija pa tempach vakcynacyi adstaje ad krain Jeŭrasajuza. Na siońnia tam pryščapili mienš za 6% nasielnictva.
Biełaruś ža tolki-tolki raspačała vakcynacyju, pryščepku pakul atrymali mienš za 1% ludziej, pieravažna miedyki. Pa tempie vakcynacyi nas pakul niaznačna apieradžajuć Małdova i Ukraina. Biełaruś atrymała partyi vakcyny ad Rasii i Kitaja, tady jak našy paŭdniovyja susiedzi — ad Jeŭrasajuza.
Suśvietnyja lidary pa vakcynacyi, statystyka «Uoł-stryt džornał:
Biełaruś pakul — u nizie tablicy:
Biełaruskaja achova zdaroŭja źviazvaje nadziei z raźlivam Sputnik V na miascovych vytvorčych mahutnaściach, pastaŭki ź jakich majuć pačacca na nastupnym tydni.
-
Jeŭrapiejskija čynoŭniki zładzili demarš suprać ministra finansaŭ Rasii na sustrečy MVF u Banhkoku
-
Słavakija i Vienhryja admovilisia finansavać novuju pazyku Ukrainie ad ES na 2027 hod
-
Nivodzin ź siami kandydataŭ na pasadu hienieralnaha sakratara AAN nie atrymaŭ padtrymki ŭsich pastajannych členaŭ Rady biaśpieki
Kamientary