U Indyi za sutki vyjavili rekordnuju kolkaść infikavanych karanavirusam
Miedyki ŭ Indyi vyjavili za minułyja 24 hadziny 412 262 novyja vypadki infikavańnia karanavirusam, ahulnaja kolkaść infikavanych za ŭvieś čas epidemii ŭ krainie dasiahnuła 21 077 410. Kolkaść śmiarotnych zychodaŭ, źviazanych z COVID-19, vyrasła za dzień na 3980, piša TASS.
Papiaredni antyrekord byŭ ustalavany 1 maja i składaŭ 401 993. Takim čynam, Indyja druhi raz zafiksavała bolš za 400 tys. chvorych na sutki, takaja kolkaść inficyravanych za 24 hadziny ŭ śviecie da hetaha času aficyjna nie adznačałasia.
Rost kolkaści śmiarotnych zychodaŭ taksama staŭ u Indyi rekordnym, papiaredni antyrekord byŭ zafiksavany napiaredadni i byŭ roŭny 3780. Ahulnaja kolkaść pamierłych skłała 230 168.
Kolkaść ačuniałych pavialičyłasia za sutki na 329 113 i dasiahnuła 17 280 844. Na lačeńni znachodziacca 3 566 398 pacyjentaŭ z karanavirusam.
Indyja zajmaje druhoje miesca ŭ śviecie (paśla ZŠA) pa ahulnaj kolkaści infikavanych i treciaje miesca pa kolkaści śmiarotnych zychodaŭ (paśla ZŠA i Brazilii). Jak paviedamiła ŭ sieradu SAAZ, na Indyju pryjšłosia 46% vypadkaŭ zaražeńnia i 25% usich śmiarotnych zychodaŭ, zarehistravanych u śviecie na minułym tydni.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ6
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary