Na pytańni ab pamierach hetych sum i paradku vypłat pradstaŭnik ministerstva adkazvać admoviŭsia.
Sioleta pytańnie adnarazovaj dapamohi vieteranam supravadžałasia intryhaj. Pieršapačatkova ŭ Minpracy zajavili, što razavyja vypłaty nie praduhledžanyja. Kamientujučy hetaje paviedamleńnie, Alaksandr Łukašenka paabiacaŭ, što ŭdzielniki vajny abaviazkova atrymajuć razavuju dapamohu prama da Dnia Pieramohi. Ranicaj 8 maja Tut.by datelefanavaŭsia na haračuju liniju ŭ Minpracy, dzie paćvierdzili hetuju infarmacyju.
— Razavyja vypłaty buduć va ŭstanoŭlenym paradku i ŭ adpaviednyja terminy, — adkazaŭ na pytańnie žurnalista pieršy namieśnik ministra pracy i sacyjalnaj abarony Andrej Łabovič.
Jon taksama ŭdakładniŭ, što hrošy buduć vypłačanyja da 9 maja. Na pytańni ab pamierach hetych sum i paradku vypłat pradstaŭnik ministerstva adkazvać admoviŭsia.
7 maja Alaksandr Łukašenka zajaviŭ, što dla padtrymki udzielniki vajny vydatkavana kala 65 miljonaŭ rubloŭ. «I hetyja razavyja vypłaty ŭdzielniki vajny abaviazkova atrymajuć prosta da Dnia Pieramohi. Kali chtości da 9 traŭnia nie paśpieje atrymać, ja im kampiensuju ciaham 9-ha, 10-ha, 11-ha čysła», - raspavioŭ jon.
Da hetaha inicyjatyva BYSOL zapuściła terminovy zbor na vypłatu dla vieteranaŭ.
Letaś u Biełarusi vieterany Vialikaj Ajčynnaj vajny i niekatoryja inšyja biełarusy atrymali da 75-hodździa Pieramohi adnarazova vypłaty ŭ pamiery ad 700 da 2500 rubloŭ. Vypłaty byli dyfierencyravanymi.
Akramia adnarazova dapamohi invalidy i ŭdzielniki vajny atrymlivajuć štomiesiačnyja vypłaty da piensii. Jany składajuć ad 273 da 410 rubloŭ. Taksama jość štomiesiačnaja uzrostavaja dapłata da piensii.
Na 1 krasavika hetaha hoda ŭ Biełarusi pražyvała 3337 vieteranaŭ VAV (u tym liku 1877 udzielnikaŭ i invalidaŭ vajny, 1057 uznaharodžanyja pracaŭniki tyłu, 317 błakadnikaŭ Leninhrada).
Jašče dva dni tamu čynoŭniki zajaŭlali, što vypłat da Dnia Pieramohi nie płanujecca.
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia15
Kamientary