Čarnaskury miedyjamahnat abvinavačvaje McDonald’s u dyskryminacyi i patrabuje ad kampanii $10 miljardaŭ kampiensacyi
Bajran Alen, uładalnik miedyjakampanij Entertainment Studios Networks i Weather Group, abvinavačvaje McDonald’s u dyskryminacyi padčas raźmiaščeńnia rekłamy.
Ciapier kampanii Entertainment Studios Networks i Weather Group padali ŭ sud na McDonald's i zapatrabavali kampiensacyju ŭ pamiery $10 miljardaŭ. Kampanii śćviardžajuć, što McDonald's raźmiaščaje mała rekłamy na miedyjapłatformach, jakija naležać čarnaskurym. Bajran Alen ličyć heta prajavaj dyskryminacyi.
U isku śćviardžajecca, što McDonald's patraciła na rekłamu kala 1,6 miljarda dalaraŭ za 2019 hod. 5 miljonaŭ, abo 0,31% ad usich vyłučanych srodkaŭ, było patračana na rekłamu ŭ ŚMI, što naležać čarnaskurym.
Jak adznačaje The Wall Street Journal, takim čynam miedyjamahnat pabudžaje amierykanskija karparacyi vyłučać bolš hrošaj na kampanii, uładalniki jakich čarnaskuryja.
Raniej Bajran Alen zaklikaŭ rekłamadaŭcaŭ tracić nie mienš za 2% svajho rekłamnaha biudžetu na miedyja, jakija naležać čarnaskurym, ale paśla biznesoviec pavialičyŭ hetu ličbu da 5%.
U kancy sakavika Alen abvinavačvaŭ u ihnaravańni svaich kampanij najbujniejšaha aŭtavytvorcu ZŠA — General Motors. U adkrytym liście hiendyrektaru śćviardžałasia, što kampanija raźmiaščaje ŭsiaho tolki 0,5% svajoj rekłamy, u toj čas jak «afraamierykancy składajuć 14% nasielnictva ZŠA i traciać miljardy na vašy aŭtamabili». Paśla hetaha General Motors paabiacali pavialičvać kolkaść rekłamy ŭ miedyja, jakija naležać čarnaskurym.
U adkaz na skarhu kampanija McDonald's zajaviła, što da 2024 hoda pavialičyć dolu rekłamy ŭ miedyja, uładalnikami jakich źjaŭlajucca čarnaskuryja, žančyny, uradžency Azii abo Łacinskaj Amieryki, a taksama pradstaŭniki ŁHBT-supolnaściaŭ. Ahulnaja dola rekłamy ŭ pradstaŭnikoŭ hetych hrup vyraście z 4 da 10%.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary