Teatr

«Chacieli, kab hledačy adčuli toje, što adčuvajuć siońnia biełarusy». Vycisnuty z krainy śpiektakl «Były syn» pastavili ŭ Kijevie i vykłali ŭ jutub

Sučasny mastacki teatr nie zmoh ažyćciavić pastanoŭku «Byłoha syna» ŭ Minsku. U vyniku śpiektakl pavodle knihi Sašy Filipienki ŭvasobiŭsia adrazu ŭ dvuch miescach. Premjera na realnaj scenie adbyłasia 20 maja ŭ Kijevie. Minski ž varyjant śpiektakla pieramiaściŭsia ŭ jutub — anłajn-premjera adbudziecca siońnia na kanale SMT. Takim čynam «Były syn» isnuje ŭ dźviuch viersijach i syhrany dvuma roznymi akciorskimi składami.

Fota z fejsbuka Sašy Filipienki

Kamandu Sučasnaha mastackaha teatra ŭ Minsku pastupova vycisnuli z usich placovak, u peŭny momant joj pierastali vydavać hastrolnyja paśviedčańni, a ŭ studzieni śpiektakl «#Hetademakrejšen» byŭ admienieny MNS za paŭhadziny da pačatku.

Repietycyi «Byłoha syna», premjeru jakoha zapłanavali na sakavik, u vyniku adbyvalisia ŭ kvatery režysiora i mastackaha kiraŭnika teatra Uładzimira Ušakova. Śpiektakl byŭ vymušana padładžany pad anłajn-farmat, dziela ž realnaj pastanoŭki režysior pajechaŭ u Kijeŭ, dzie nabraŭ novuju kamandu. U akciorski skład zbolšaha ŭvajšli biełarusy, što pa roznych pryčynach źjechali z krainy, — Alaksiej Jaravienka, Tania Martynava, Jaŭhien Kazakievič, Nasta Špakoŭskaja i Pavieł Haradnicki.

«Usio atrymałasia», — kaža Uładzimir Ušakoŭ. Premjera adbyłasia na placoŭcy «Scena 6» u Nacyjanalnym centry Daŭženki i sabrała, nakolki heta mahčyma z abmiežavańniami praz kavid, anšłah.

«Bolšaść publiki — biełarusy. Dla Ukrainy taki padychod da vyrašeńnia pytańnia niezrazumieły — im zrazumieły Majdan, kali ludzi vyjšli, stajali da kanca i pieramahli. Ale niekatoryja ŭkraincy padychodzili paśla śpiektakla i kazali, što ciapier viedajuć, što ŭ nas adbyvajecca. A adna žančyna skazała: «Ja razumieju, što žyvu ŭ svabodnaj krainie». Uvohule šmat ludziej vykazvała padtrymku, mnohija płakali. Finalnaja piaščotnaja, ciopłaja, mieładramatyčnaja scena, dzie hałoŭny hieroj Francysk na mohiłkach razmaŭlaje z babulaj, mocna kranaje ludziej. My adčuli, što śpiektakl hledačam spadabaŭsia, i narešcie vydychnuli», — raskazvaje Uładzimir paśla premjery.

Ukrainskaja viersija «Byłoha syna» adroźnivajecca ad biełaruskaj. «Tut ja pa maksimumu vykazaŭ usio, što mieŭ skazać. My chacieli, kab hledačy adčuli toje, što adčuvajuć siońnia biełarusy. Na ŭvachodzie stajali «siłaviki» z dubinkami i abšukvali hledačoŭ, u śpiektakli jość scena, dzie hałoŭnaha hieroja chapajuć i źbivajuć, ja ŭvioŭ rolu cichara, jaki ŭsich zdymaje na kamieru i taksama pieradaje atmaśfieru hvałtu. Minski śpiektakl isnuje ŭ bolš litaraturnym varyjancie, bo biaśpieka artysta — dla mianie hałoŭnaje».

Finał knihi ŭ śpiektakli pierajnačany ŭ pazityŭnym kirunku: Francysk nie źjazdžaje ŭ emihracyju — kancoŭkaj stanovicca hłava ramana, u jakoj jon vychodzić na Płošču. Da taho ž u pastanoŭcy Uładzimir Ušakoŭ tranśluje svajo bačańnie budučyni Biełarusi.

«U pracy nad śpiektaklem ja narešcie znajšoŭ dla siabie adkaz na heta pytańnie. Kaniešnie, jon pazityŭny, my ŭ lubym razie pieramožam, niaŭžo ŭsie hetyja achviary byli dla taho, kab ludzi praciahvali pamirać. Ja nie palityk, ale nutrom adčuvaju, što kali my ŭžo vyznačyli svoj šlach, my jaho projdziem i ŭsio atrymajecca».

Pakazy «Byłoha syna» praciahnucca na placoŭcy ŭ Kijevie, da taho ž režysior atrymaŭ prapanovy ab hastrolach u inšych haradach i navat krainach. Premjera minskaha «Byłoha syna» dastupna na jutub-kanale ciaham sutak.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pieramovy pamiž Rasijaj i ZŠA ŭ Er-Ryjadzie pačalisia4

Pieramovy pamiž Rasijaj i ZŠA ŭ Er-Ryjadzie pačalisia

Usie naviny →
Usie naviny

Vatykan paviedamiŭ pra składanuju kliničnuju situacyju sa zdaroŭjem Papy Franciška

24-hadovaja dziaŭčyna z Barysava patanuła ŭ vańnie5

Ahient Dudkin raskazaŭ, jak davaŭ KDB spravazdačy pra Łatušku i mahiloŭskich studentaŭ25

Ukraina ničoha nie viedała pra pieramovy ŭ Saudaŭskaj Aravii i nie budzie ich pryznavać11

Łukašenka prapanavaŭ stvaryć śpis «sumlennych» biznesmienaŭ, jakija atrymajuć indulhiencyju ad pravierak6

«Wildberries pavinien pracavać na dziaržavu». Na naradzie ŭ Łukašenki była samaja bahataja žančyna Rasii5

«Nina, Vadzim, Uljana, Avienir i Avihieja». Jak žyvie siamja, dzie niadaŭna naradziłasia 14-je dzicia5

Kaho ź biznesmienaŭ Łukašenka paklikaŭ da siabie na naradu? Była i zasnavalnica Wildberries13

Chalezin: Moža adbycca momant, kali Łukašenka paprosić uvajści ŭ Biełaruś połk Kalinoŭskaha19

bolš čytanych navin
bolš łajkanych navin

Pieramovy pamiž Rasijaj i ZŠA ŭ Er-Ryjadzie pačalisia4

Pieramovy pamiž Rasijaj i ZŠA ŭ Er-Ryjadzie pačalisia

Hałoŭnaje
Usie naviny →

Zaŭvaha:

 

 

 

 

Zakryć Paviedamić