Samalot Minsk — Barsiełona nie trapiŭ u pavietranuju prastoru Polščy
Samalot «Biełavii», što lacieŭ ź Minska ŭ Barsiełonu, nie trapiŭ u pavietranuju prastoru Polščy.
Jon padlacieŭ da miažy, ale potym pačaŭ rabić kruhi i pačaŭ viartacca nazad.
Polskaje ahienctva pavietranaha sudnachodstva paviedamiła samalotu «Biełavija» ab mahčymych składanaściach pry pierasiačeńni pavietranaj prastory Francyi, ale nie zabaraniała jamu ŭvachodžańnia ŭ polskuju pavietranuju prastoru. Pra heta paviedamiŭ TASS pres-sakratar ahienctva Pavieł Łukaševič.
«Naša Niva» sprabavała atrymać aficyjny kamientar «Biełavii». Pa telefonie nam u infarmacyi admovili. Paźniej tłumačeńnie było apublikavanaje na aficyjnym sajcie:
«Siońnia avijakampanija pavinna była vykanać rehularny rejs U2869 pa maršrucie Minsk-Barsiełona-Minsk. Na borcie pavietranaha sudna Embraer 195 znachodzilisia 54 pasažyry. U «Biełavija» byli ŭsie dazvoły na vykanańnie dadzienaha palotu. Adnak, jak vyśvietliłasia krychu paźniej, za try chviliny da ŭźlotu avijacyjnyja ŭłady Francyi ŭ ručnym režymie deaktyvavali płan lotu dadzienaha rejsa biez apaviaščeńnia avijakampanii. Pry nabory vyšyni kamandziru była pieradadzienaja heta infarmacyja praz Kiravańnie pavietranaha ruchu Polščy. Sproby źmianić maršrutu ŭ pavietry z Kiravańniem pavietranym rucham Marsela da vyniku nie pryviali. Bolš za toje, francuzski dyśpietčar spasłaŭsia na vusnuju dyrektyvu premjer-ministra Francyi».
Paŭtornaja sproba ŭzhadnić maršrut z Kiravańniem pavietranaha ruchu Marsela taksama apynułasia niaŭdałaj i samalot vymušana viarnuŭsia ŭ minski aeraport.
Kamientary