Jak stała viadoma «Našaj Nivie», dniami ŭ Minsk naviedvaŭsia były premjer Siarhiej Rumas, jaki ź lutaha žyŭ u emihracyi.
Čytajcie: Stała viadoma, dzie znachodzicca Siarhiej Rumas i ŭ čym sens pretenzij da jaho
Čytajcie: Rumas nie znajšoŭ pracu ŭ Łondanie i ŭžo miesiac žyvie ŭ Kijevie. Doma ŭ Minsku byŭ vobšuk
Što jon rabiŭ u Minsku? Nieviadoma. Tut jon pabyŭ paru dzion i znoŭ vyjechaŭ. Hetuju infarmacyju jon paćvierdziŭ «Našaj Nivie».
«Tak, ja byŭ u Minsku, ale ciapier u Maskvie», — skazaŭ Rumas.
Jon taksama adchryščvajecca ad isnavańnia pieraśledu:
«Pytańni da mianie z boku pravaachoŭnych orhanaŭ vydumlajuć žurnalisty. Ich nie było i niama», — pierakonvaje eks-premjer.
Pry hetym viadoma, što były premjer praz Łondan adpraviŭsia ŭ Kijeŭ. Heta adbyłosia paśla taho, jak orhany pačali zatrymlivać jaho byłych kaleh z Banka raźvićcia, a ŭ jaho samoha doma prajšoŭ vobšuk.
«Na nastupnym tydni znoŭ źbirajusia ŭ Kijeŭ, u mianie tam prajekt», — kaža Rumas.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary