27-hadovamu žycharu štata Ńju-Džersi pahražaje pazbaŭleńnie voli terminam zvyš 30 hadoŭ.
Padsudny Chadzi Matar, abvinavačany ŭ zamachu na zabojstva piśmieńnika Sałmana Rušdzi ŭ žniŭni 2022 hoda, byŭ pryznany vinavatym prysiažnymi ŭ sudzie štata Ńju-Jork, piša Bi-bi-si.
27-hadovamu žycharu štata Ńju-Džersi pahražaje pazbaŭleńnie voli terminam zvyš 30 hadoŭ.
U žniŭni 2022 hoda Matar napaŭ z nažom na brytanska-indyjskaha piśmieńnika padčas lekcyi ŭ Čatakua na zachadzie štata Ńju-Jork. Rušdzi vyžyŭ, ale ŭ jaho paškodžanaja piečań, adno voka ŭžo nie bačyć, a kiść ruki paralizavanaja z-za paškodžańnia nierva.
Sprava razhladałasia niepadalok ad miesca złačynstva ŭ rajonnym sudzie Čatakua.
Matara taksama pryznali vinavatym u naniasieńni ciažkich cialesnych paškodžańniaŭ, bo jon paraniŭ jašče i intervjujera Hienry Ryza, jaki znachodziŭsia na scenie razam ź piśmieńnikam. Padčas napadu Ryza atrymaŭ lohkuju traŭmu hałavy.
Data vyniasieńnia prysuda Mataru pryznačana na 23 krasavika.
Padčas sudovaha pasiadžeańnia piśmieńnik Sałman Rušdzi ŭspaminaŭ, jak jon siadzieŭ na scenie histaryčnaha Instytuta Čatakua, i niečakana zaŭvažyŭ čałavieka, jaki kinuŭsia na jaho z pravaha boku. Uspaminajučy hety vypadak, jon skazaŭ, što jaho ŭrazili vočy napadnika, «jakija byli ciomnymi i zdavalisia vielmi śvirepymi».
Jon raskazaŭ, što spačatku padumaŭ, što jaho šturchnuli, a potym zrazumieŭ, što jaho ŭdaryli nažom u pravuju ščaku i šyju. Ahułam jon atrymaŭ 15 nažavych ran: u voka, ščaku, šyju, hrudzi, tułava i ściahno.
Sałman Rušdzi, nahadajem, heta 77-hadovy indyjski piśmieńnik, jaki piša histaryčnyja tvory ŭ styli mahičnaha realizmu. U 1988 hodzie jon napisaŭ raman «Sataninskija vieršy», u jakim pieraasensoŭvaŭ žyćcio praroka Muchamieda. Hety tvor mnohija isłamisckija režymy paličyli bluźnierskim i abviaścili palavańnie za tvorcam.
Ciapier čytajuć
Prakurorski načalnik aburyŭsia nieabhruntavanymi zatrymańniami biełarusaŭ8
Kamientary