Hazieta «Wyborcza» nazvała Śviatłanu Cichanoŭskuju Čałaviekam 2021 hoda
Eks-kandydatka ŭ prezidenty Biełarusi i miedycynskija rabotniki, jakija zmahalisia z pandemijaj, padzialili tytuł «Čałaviek 2021 hoda» pa viersii viadučaha polskaha vydańnia.
Tytuł «Čałaviek hoda» redakcyja haziety «Wyborcza» prysudžaje z 1999 hoda.
Letaś uračystaja cyrymonija ŭznaharodžvańnia admianiłasia praz pandemiju, tamu sioleta redakcyja prysudžaje tytuł adrazu za dva hady.
Čałaviekam 2020 hoda pa viersii redakcyi staŭ palityk Tomaš Hrodski.
Na dumku redakcyi, Śviatłana Cichanoŭskaja za niekalki tydniaŭ stała lidaram nacyi, i siońnia jana źjaŭlajecca adzinym nadziejnym pradstaŭnikom Biełarusi na mižnarodnaj arenie.
«Padziei leta 2020 hoda ŭ Biełarusi zakranuli nas. Zakranuli, bo my pryzvyčailisia dumać, što biełaruski narod paśla čverci stahodździa dyktatury Alaksandra Łukašenki byŭ całkam pryhniečany i pazbaŭleny hołasu. Žychary Biełarusi ŭjaŭlalisia nam postsavieckaj mahmaj, kalektyvam bieź identyčnaści, historyja jakoha nie davała adčuć svabodu i demakratyju, pierakidvajučy hety narod z adnoj dyktatury ŭ inšuju. My nie čakali, što biełarusy nas čymści ździviać. My nie dumali, što Biełaruś moža źmianicca. I my vielmi pamylalisia ŭ hetym», — adznačaje redakcyja.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary