Pra stužku «Dniaproŭski rubiež» piša Andrej Rasinski.
Dniaproŭski rubiež (Dnieprovskij rubiež)
Biełaruś, 2009, kalarovy, 135 chv (2 sieryi)
Režysior: Dzianis Skvarcoŭ
Roli vykonvajuć: Ihar Sihaŭ, Ksienija Kniazieva, Anatol Kot, Hanna Harškova, Mikałaj Kozak
Žanr: Vajennaja drama pavodle scenaru Alaksieja Dudarava
Adznaka: pa-za miežami krytyki
Kamandzir dyvizii (Ihar Sihaŭ), jakomu vybili zuby ŭ NKUS - i jaki tryźnić čorna-biełaju chronikaj - adpraŭlajecca ŭ pieršyja dni vajny na Dniaproŭski rubiež, kab spynić fašystaŭ. U hienierała ŭpotajki zakachanaja miedsiaściorka (Ksienija Kniazieva), jakaja pakutuje na halucynacyi j lubić raspaviadać svaje sny, korpajučysia ŭ ranach pacyjentaŭ. Ci znojduć samotnyja sercy adzin adnaho padčas hieraičnaje abarony Mahilova?
Adkaz na hetaje pytańnie, da jakoha treba pradziracca nudnyja dźvie hadziny, mała kamu cikavy. I samy niezacikaŭleny - scenaryst. Alaksieja Dudarava, abłaščanaha Savietami aŭtara vajenna-patryjatyčnych dramaŭ, paśla «Dniaproŭskaha rubiaža» - možna dyskvalifikavać.
Paradaksalna, što scenar atrymaŭ pieršuju premiju na konkursie, zładžanym kinastudyjaj. (I strašna navat padumać, što ž tady horšaje.)
Hałoŭny hieroj stužki - mapa sa strełkami, jakija biazładna źjaŭlajucca j źnikajuć. Za hetym iduć streły j vybuchi, jakija taksama situacyju nie prajaśniajuć. Šmat miasa: kryvavaja śliź, adarvanyja ruki, prastrelenyja cieły (zvyšbujnyja detali) - što nie mohuć nie acanić amatary rasčlanionki. Ci raskryŭ Dzianis Skvarcoŭ kananičnuju dla svajoj tvorčaści temu cycak - skazać nie mahu, bo nie vytrymaŭ i z kinateatru ŭciok.
Karcina dla piensijanieraŭ, jakija pierajšli z marychuany na hierain.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary