Pahladzicie, jak dvoje 16-hadovych na «Žyhulach» kinulisia na ŭcioki ad DAI i što z hetaha vyjšła VIDEA
Pra zdareńnie piša Homielskaja DAI.
22 červienia 2021 hoda prykładna a 18:00 supracoŭniki ADAI Homielskaha RAUS, kantralujučy darožny ruch u vioscy Budziłaŭka, źviarnuli ŭvahu na «Žyhuli», u jakim siadzieli 2 maładyja čałavieki. Uvahu DAI pryciahnuli pavodziny chłopcaŭ: spačatku jany spynilisia niedaloka ad ekipaža DAI, paśla čaho kiroŭca vyjšaŭ z mašyny i pajšoŭ niekudy, ale zatym viarnuŭsia i razam z tavaryšam jany pajechali ŭ napramku vioski Sakołka.
Kab pierakanacca ŭ tym, što ŭ kiroŭcy ŭsio ŭ paradku z dakumientami, inśpiektary DPS uklučyli majački čyrvonaha i siniaha koleru, kab mašyna spyniłasia, ale heta patrabavańnie było praihnaravana, i kiroŭca «VAZ» kinuŭsia na ŭcioki, pieravyšajučy chutkasny režym i ruchajučysia pa sustrečnaj pałasie.
Źjechaŭšy z asfaltu, kiroŭca pajechaŭ pa lasnoj darožcy, ale nie daŭ rady kiravańniu i ŭrezaŭsia ŭ dreva. Ale na hetym historyja nie zakančvajecca. Siabry kinuli aŭto i raźbiehlisia ŭ roznyja baki. Praź niekatory čas byŭ zatrymany pasažyr.
Jon źviazaŭsia z kiroŭcam, i kali apošniamu rastłumačyli, što ŭ jaho ŭčynkach niama nijakaha sensu, toj pryjšoŭ na miesca zdareńnia.
Abodva tavaryšy akazalisia ćviarozymi, taksama stała viadoma, što jany źjaŭlajucca niepaŭnaletnimi: padletkam pa 16 hadoŭ. Pravoŭ u kiroŭcy, adpaviedna, nie było, a aŭtamabil jon uziaŭ na ramont.
Darečy, u sakaviku biahučaha hoda małady čałaviek užo byŭ pryciahnuty da administracyjnaj adkaznaści za jazdu biez prava kiravańnia, i ŭ hety raz paźbiehnuć jaje nie ŭdałosia: na jaho skłali 6 administracyjnych pratakołaŭ.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary