Viarchoŭny sud Japonii nie choča admianiać zakon 1898 hoda, pavodle jakoha žančyna nie moža pakinuć sabie dziavočaje proźvišča ŭ šlubie
Viarchoŭny sud Japonii ŭ sieradu, 23 červienia, adchiliŭ padadzienuju ŭ 2018 hodzie skarhu na nieabchodnaść muža i žonki mieć adnolkavyja proźviščy. Heta praviła rehulujecca punktam Hramadzianskaha kodeksa ad 1898 hoda, ale bolšaść japoncaŭ jaho nie padtrymlivajuć. Pra heta paviedamlaje Hromadske.ua sa spasyłkaj na Kyodo News.
Kalehija z 15 sudździaŭ (siarod ich — 13 mužčyn, treba adznačyć) adchiliła skarhu troch japonskich par, jakim admovili ŭ zaklučeńni šlubu, kali budučyja muž i žonka vyrašyli pakinuć svaje proźviščy, i paćvierdziła siłu anałahičnaha rašeńnia 2015 hoda. U toj ža čas čaćviora sudździaŭ nazvali zabaronu niekanstytucyjnaj (u 2015-m takich było piać).
Choć u pryncypie zakon nie dyktuje, čyjo proźvišča pavinna ŭziać para, na praktycy bolš 95% par vybirajuć proźvišča muža. Niekatoryja žančyny ŭ razmovach ź siabrami i kalehami prosiać nazyvać siabie dziavočym proźviščam, ale nie zaŭsiody da hetaha staviacca ŭchvalna.
Sprobaŭ asprečyć hetaje stanovišča taksama było pa mienšaj miery niekalki. U 2015 hodzie piać žančyn padali ŭ sud na ŭrad, patrabujučy kampiensacyju za niemahčymaść pakinuć dziavočaje proźvišča ŭ šlubie. Pazoŭ jany tady prajhrali.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary