Pačaŭsia Budsłaŭski fest — jon prachodzić sioleta na adkrytym pavietry
Uračystaści ŭ honar Maci Božaj Budsłaŭskaj u Nacyjanalnym sanktuaryi ŭ Budsłavie adbyvajucca 2-3 lipienia.
Pakolki paśla pažaru budsłaŭskaja bazylika znachodzicca ŭ avaryjnym stanie, u suviazi z čym uvachod u budynak i nabližeńnie dla jaho zabaronieny, usie malitvy i celebracyi buduć adbyvacca na palavym ałtary na adkrytym pavietry, paviedamlaje Satholic.by.
Tut ža budzie znachodzicca cudadziejny abraz Maci Božaj Budsłaŭskaj dla ŭšanavańnia viernikami.
Prahrama festu:
2 lipienia, piatnica
- 18.00 — śviataja Imša dla pilihrymaŭ; celebracyju ŭznačalvaje arcybiskup Tadevuš Kandrusievič
- 20.00 — žyvy Misijny Ružaniec
- 23.30 — pracesija sa śviečkami i kopijaj abraza Maci Božaj Budsłaŭskaj
3 lipienia, subota
- 0.00 — śviataja Imša ŭ intencyi adbudovy Budsłaŭskaj śviatyni. Uznačalvaje celebracyju Staršynia Kanfierencyi Katalickich Biskupaŭ u Biełarusi biskup Viciebski Aleh Butkievič
- 8.45 — Facimski Ružaniec; pravodzić «Lehijon Maryi»
- 10.00 — śviataja Imša; celebracyju ŭznačalvaje Apostalski nuncyj u Respublicy Biełaruś arcybiskup Ante Jozič
- na zakančeńnie śviatoj Imšy — Eŭcharystyčnaja pracesija
Parkoŭki dla aŭtatranspartu buduć na poli z boku Daŭhinava i na starym aeradromie z boku Kryvičoŭ. Namiotavy haradok dla pilihrymaŭ budzie arhanizavany ŭ vioscy Paleśsie.
Arhanizatary źviartajucca da ŭdzielnikaŭ ź vialikaj prośbaj padčas usich nabaženstvaŭ i mierapryjemstvaŭ zachoŭvać naležnyja sanitarnyja pradpisańni i sacyjalnuju dystancyju, a taksama stroha vykonvać patrabavańni adnosna praviadzieńnia masavych mierapryjemstvaŭ i nabaženstvaŭ. Padčas spoviedzi vykarystańnie miedycynskaj maski abaviazkova.
Vialiki pažar źniščyŭ dach Budsłaŭskaha kaścioła 11 maja sioleta. U pieršy dzień paśla pažaru byŭ adkryty zbor srodkaŭ na adnaŭleńnie kaścioła. Na 10 červienia sabrana 734 896 rub. Zbor praciahvajecca.
Čytajcie taksama: «Adnaŭlać budziem usioj Biełaruśsiu». Repartaž z Budsłava, dzie ratavali ad pažaru katalickuju śviatyniu
Fest u Budsłavie: padzieja, na jakuju varta zavitać choć raz u žyćci VIDEA
-
Babaryka byŭ strašna ščaślivy, kali daviedaŭsia, što staŭ dziedam — jaho dačka naradziła ŭ Aŭstralii
-
«Supracoŭnica SIZA kryčyć kanvairu: «Aściarožniej! Ty viadzieš Nobieleŭskaha łaŭreata!»
-
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam
Ciapier čytajuć
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam5
Kamientary