ZŠA apublikavali dakład ab chakierskich atakach z boku Rasii

Amierykakanskija i brytanskija śpiecsłužby apublikavali dakład, dzie raskryli padrabiaznaści hłabalnaj dziejnaści rasijskaj vajennaj raźviedki pa praniknieńni ŭ kampjutarnyja sietki ŭradavych arhanizacyj, kampanij, jakija vykonvajuć zahady ministerstva abarony, univiersitetaŭ i miedyja-kampanij, piša The New York Times.

Pa źviestkach śpiecsłužb, chakierskija ataki z boku Rasii ździajśniajucca na praciahu apošnich hadoŭ i praciahvajucca da hetaha času. U sumiesnym dakładzie Ahienctva nacyjanalnaj biaśpieki ZŠA (ANB) i jaho brytanskaha anałaha, viadomaha jak Centr uradavaj suviazi (GCHQ), pryvodziacca mietady, jakija vykarystoŭvajucca rasijskimi chakierami.

Apublikavanaja infarmacyja maje techničnyja padrabiaznaści, jakija dazvalajuć patencyjnym abjektam budučych atak vyznačyć, što adbyvajecca ŭzłom i praniknieńnie ŭ kampjutarnyja sietki.

Padčas sustrečy ŭ Ženievie Bajden zajaviŭ Pucinu, što ZŠA bolš nie paciarpiać dalejšych kibieratak z boku Rasii.

ANB identyfikavała HRU Rasii jak tuju ž samuju hrupu, jakaja ŭzłamała sierviery Nacyjanalnaha kamiteta Demakratyčnaj partyi i apublikavała pierapisku, tym samym sprabujučy paŭpłyvać na prezidenckija vybary 2016 hoda na karyść Donalda Trampa. Amierykanskija śpiecsłužby paźniej zajavili, što kibierataki 2016 hoda ŭchvaliŭ niepasredna Pucin.

U dakładzie ANB u jakaści asnoŭnych abjektaŭ byli ŭkazanyja enierhietyčnyja kampanii. U traŭni kibierataka vymahalnikaŭ pryviała da zakryćcia trubapravoda i spyniła pastaŭki bienzinu, dyzielnaha paliva i avijapaliva na terytoryi Uschodniaha ŭźbiarežža. Chutčej za ŭsio, hetu ataku ździejśniła złačynnaja hrupoŭka z terytoryii Rasii.

Letaś u śniežni ŭ ZŠA była zafiksavanaja samaja vytančanaja kibierataka za apošnija hady — uzłom kampjutarnych sistem kampanii SolarWinds. Heta ataka zakranuła fiederalnyja ahienctvy i mnohija najbujniejšyja kampanii krainy. ANB paźniej vyjaviła, što ataku ździejśniła Słužba źniešniaj raźviedki Rasii. Jana źmianiła kod u prahramnym zabieśpiačeńni dla kiravańnia sietkami, i, adpaviedna, u kampjutarnych sietkach 18 tysiač kampanij i ŭradavych ustanoŭ.

Siarod abjektaŭ niadaŭnich atak HRU ŭ dakładzie adznačajucca ŭradavyja arhanizacyi, partyjnyja arhanizacyi, enierhietyčnyja i łahistyčnyja kampanii, daśledčyja centry, miedyja-kampanii, univiersitety i analityčnyja centry. Chutčej za ŭsio, metaj atak źjaŭlaŭsia zbor infarmacyi.

U dakładzie apublikavanyja śpis mietadaŭ, jaki prymianiaŭsia HRU, kab dapamahčy mieniedžaram pa infarmacyjnym technałohijam vyjaŭlać i błakavać patencyjnyja ataki chakierskich hrupovak.

• 0
• 0
• 0
• 0
• 0
• 0
• 0
• 0