Juryj Stylski z hurta «Daj darohu!» pakinuŭ Biełaruś i zaraz u biaśpiecy.
Jon nie pajšoŭ na sud suprać siabie — ab pryznańni klipa na pieśniu «Baju-baj» ekstremisckim materyjałam.
Nahadajem, upraŭleńnie HUBAZiK pa Bresckaj vobłaści źviarnułasia ŭ sud Leninskaha rajona Bresta z prośbaj ab pryznańni ekstremisckim klipa «Baju-baj» hurta «Daj darohu!».
HUBAZiK piša, što na jutub-kanale hurta «raspaŭsiudžvajucca infarmacyjnyja materyjały, skiravanyja na raspalvańnie varožaści abo roźni pa prykmiecie sacyjalnaj prynaležnaści».
Klip na pieśniu «Baju-baj», na dumku HUBAZiK, źniaty z metaj dyskredytacyi siłavych struktur.
«Na heta ŭkazvajuć vobrazy kiroŭcy aŭtazaka, jaki na kambajnie pieraśleduje ni ŭ čym nie vinavatych ludziej. Achviary pakazanyja hranična miralubnymi i biezzabaronnymi», — padkreślivaje ŭpraŭleńnie HUBAZiK.
«…Situacyja zatrymańnia parušalnikaŭ hramadskaha paradku pradstaŭlena aŭtarami pieśni jak biaźlitasnaje zabojstva…», — śćviardžajecca ŭ ekśpiertnym zaklučeńni.
HUBAZiK prosić pryznać klip, jaho mahčymyja kopii, vytvornyja tvory i pierapracoŭki, jakija ŭtrymlivajuć asnoŭny sens, ekstremisckim materyjałam.
Ciapier čytajuć
Jak skłaŭsia los pałkoŭnika Łosieva, jaki pakryvaŭ bandu marozaŭcaŭ i atrymaŭ 18 hadoŭ kałonii2
Kamientary