Alaksandr Łukašenka ŭručyŭ uznaharody i padziaki bolš za 60 pradstaŭnikam roznych śfier, paviedamlaje pres-słužba.
Siarod uznaharodžanych — staršy pamočnik prakurora Frunzienskaha rajona Minska Alina Kaśjančyk.
Jana atrymała padziaku za «šmathadovuju plonnuju pracu, uzornaje vykanańnie słužbovych abaviazkaŭ, vysokija pakazčyki ŭ słužbovaj dziejnaści pa zabieśpiačeńni zakonnaści, umacavańni pravaparadku i baraćbie sa złačynnaściu».
Alina Kaśjančyk była dziaržabvinavaŭcaj pa spravie žurnalistak Biełsata Kaciaryny Andrejevaj i Darji Čulcovaj. Jany byli asudžanyja na dva hady kałonii za strym z «Płoščy Pieramien». Taksama jana brała ŭdzieł u sudzie pa spravie ab nadpisach «Nie zabudziem» la miesca hibieli Alaksandra Tarajkoŭskaha na Puškinskaj.
Zatym jana vystupiła ŭ jakaści paciarpiełaj pa kryminalnaj spravie ŭ dačynieńni da 33-hadovaj minčanki Volhi Sinialovaj, jakaja admoviłasia zdavać joj kvateru. Žančynie dali dva hady chatniaj chimii.
U červieni Kaśjančyk trapiła ŭ jeŭrapiejski sankcyjny śpis.
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary