Аляксандр Лукашэнка ўручыў узнагароды і падзякі больш за 60 прадстаўнікам розных сфер, паведамляе прэс-служба.
Сярод узнагароджаных — старшы памочнік пракурора Фрунзенскага раёна Мінска Аліна Касьянчык.
Яна атрымала падзяку за «шматгадовую плённую працу, узорнае выкананне службовых абавязкаў, высокія паказчыкі ў службовай дзейнасці па забеспячэнні законнасці, умацаванні правапарадку і барацьбе са злачыннасцю».
Аліна Касьянчык была дзяржабвінаваўцай па справе журналістак Белсата Кацярыны Андрэевай і Дар'і Чульцовай. Яны былі асуджаныя на два гады калоніі за стрым з «Плошчы Перамен». Таксама яна брала ўдзел у судзе па справе аб надпісах «Не забудзем» ля месца гібелі Аляксандра Тарайкоўскага на Пушкінскай.
Затым яна выступіла ў якасці пацярпелай па крымінальнай справе ў дачыненні да 33-гадовай мінчанкі Вольгі Сінялёвай, якая адмовілася здаваць ёй кватэру. Жанчыне далі два гады хатняй хіміі.
У чэрвені Касьянчык трапіла ў еўрапейскі санкцыйны спіс.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак15
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары