Minski čynoŭnik atrymaŭ try hady kałonii za ŭdzieł u samych masavych žnivieńskich akcyjach i za abrazu Łukašenki
U sudzie Leninskaha rajona Minska prajšoŭ razhlad kryminalnaj spravy suprać načalnika finansavaha adździeła administracyi Leninskaha rajona Juryja Siańkova, paviedamlajuć pravaabaroncy.
Jaho abvinavacili pa dvuch artykułach Kryminalnaha kodeksa: pa artykule 342 KK (Udzieł u hrupavych dziejańniach, jakija hruba parušajuć hramadski paradak) — za ŭdzieł u akcyjach pratestu 16 i 23 žniŭnia 2020 hoda i pa artykule 368 KK (Abraza prezidenta) — za repost u telehramie. Mužčyna atrymaŭ try hady kałonii ahulnaha režymu. Spravu razhladała sudździa Taćciana Šocik, bok dziaržabvinavačvańnia pradstaŭlała prakurorka Julija Daŭhała.
Juryja Siańkova zatrymali 30 krasavika. Jaho piać razoŭ asudzili pa administracyjnych spravach, u vyniku čaho jon atrymaŭ 50 sutak aryštu. Zatym jaho pieraviali ŭ SIZA ŭžo pa kryminalnaj spravie.
Pavodle abvinavačvańnia, Juryj Siańkoŭ braŭ aktyŭny ŭdzieł u masavych mierapryjemstvach u Minsku 16 i 23 žniŭnia.
Akramia taho, «Minsktrans» padaŭ pazoŭ ab kampiensacyi materyjalnaj škody ad prastoju transpartu ŭ tyja dni ŭ pamiery amal 10 000 rubloŭ.
«Heta nie toje, čaho ja zasłuhoŭvaju. Ja lublu svaju krainu, ja nie parušyŭ nivodnaha jaje zakona da 2020 hoda. Ja za 50 dzion na Akreścina, bolš 50 na Žodzinie i ŭ SIZA nie dapuściŭ nivodnaha najdrobnaha parušeńnia. Ja nie admaŭlaju svaju vinu, ale ja nie zasłuhoŭvaju izalacyi ad hramadstva. Ja chaču być karysnym jamu. Ja chaču być karysnym baćkam, mužam, bratam. Ja chaču pracavać na karyść svajoj krainy. Ja prašu nie karać mianie mienavita izalacyjaj i vynieści inšaje rašeńnie», — skazaŭ jon.
25 žniŭnia sudździa Taćciana Šocik vyniesła mienavita taki prysud, jaki zapatrabavała prakurorka: try hady pazbaŭleńnia voli ŭ kałonii ahulnaha režymu. Pazoŭ «Minsktransa» vynieśli ŭ asobnaje spravavodstva.
-
«Prakładvaju darohi ŭ Samali». Jak biełarus robić svoj uniosak na OpenStreetMap
-
«Nasieńnie ad Baćki». Dziaŭčynka, jakoj uručyli kostački kavuna ad Łukašenki, akazałasia nie prostaj školnicaj, a dačkoj miascovaha funkcyjaniera
-
Mabilny Anžaliki Mielnikavaj z 19 sakavika znachodzicca na terytoryi Biełarusi
Ciapier čytajuć
Mabilny Anžaliki Mielnikavaj z 19 sakavika znachodzicca na terytoryi Biełarusi66
Kamientary