Pra heta paviedamiła ŭ fejsbuku jaho siastra Iryna Kozikava.
Maksim u svaich listach rehularna paviedamlaje joj ab pračytanych u źniavoleńni knihach i składaje śpis.
Siarod pračytanych za apošni čas knih: Anka Upała «Elektryčka da Stakholma», Huziel Jachina «Zulejcha raspluščvaje vočy» i kniha Natalli Tačylnikavaj «Žyćcio i los Michaiła Chadarkoŭskaha».
«Akazvajecca, usio, što ja ličyŭ nou-chau miascovym, daŭno prydumana i aprabavana. Pavučalnaja kniha ŭ mnohich sensach», — iranizuje Maksim Znak.
Michaił Chadarkoŭski byŭ u svoj čas asudžany na 14 hadoŭ źniavoleńnia, adsiadzieŭ 10 hadoŭ i dva miesiacy i byŭ pamiłavany U. Pucinym.
Znak byŭ zatrymany 9 vieraśnia 2020 hoda i amal roŭna praz hod, 6 vieraśnia 2021 hoda, asudžany na 10 hadoŭ kałonii ŭzmocnienaha režymu za «zakliki paškodzić biaśpiecy Respubliki Biełaruś», «zmovu z metaj zachopu ŭłady» i «stvareńnie ekstremisckaha farmavańnia». Razam ź im da 11 hadoŭ kałonii była asudžana Maryja Kaleśnikava.
Kamientary