Пра гэта паведаміла ў фэйсбуку яго сястра Ірына Козікава.
Максім у сваіх лістах рэгулярна паведамляе ёй аб прачытаных у зняволенні кнігах і складае спіс.
Сярод прачытаных за апошні час кніг: Анка Упала «Электрычка да Стакгольма», Гузель Яхіна «Зулейха расплюшчвае вочы» і кніга Наталлі Тачыльнікавай «Жыццё і лёс Міхаіла Хадаркоўскага».
«Аказваецца, усё, што я лічыў ноу-хау мясцовым, даўно прыдумана і апрабавана. Павучальная кніга ў многіх сэнсах», — іранізуе Максім Знак.
Міхаіл Хадаркоўскі быў у свой час асуджаны на 14 гадоў зняволення, адсядзеў 10 гадоў і два месяцы і быў памілаваны У. Пуціным.
Знак быў затрыманы 9 верасня 2020 года і амаль роўна праз год, 6 верасня 2021 года, асуджаны на 10 гадоў калоніі ўзмоцненага рэжыму за «заклікі пашкодзіць бяспецы Рэспублікі Беларусь», «змову з мэтай захопу ўлады» і «стварэнне экстрэмісцкага фармавання». Разам з ім да 11 гадоў калоніі была асуджана Марыя Калеснікава.
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары