Źmicier Daškievič prapanavaŭ pravieści «Noč rasstralanych paetaŭ» u inšym farmacie
29 kastryčnika 1937 hoda ŭ Kurapatach byli rasstralanyja bolš za 100 pradstaŭnikoŭ biełaruskaj kultury. Apošnija hady tam prachodzili miemaryjalnyja mierapryjemstvy, kali biełarusy źbiralisia i ŭšanoŭvali pamiać rasstralanych, čytajučy ich vieršy.
Hramadski dziejač Źmicier Daškievič prapanavaŭ sioleta źmianić farmat akcyi, pakolki ŭ siońniašnich umovach niebiaśpiečna ładzić niejkija mierapryjemstvy.
«29 kastryčnika my čarhovy raz budziem zhadvać čornuju noč u historyi Biełarusi — rasstreł kamunistami za adnu tolki noč bolš za sta hramadskich dziejačaŭ, siarod jakich byli 22 piśmieńniki. Takoha złačynstva, kaža Uładzimir Arłoŭ, nie viedaje historyja nivodnaj Jeŭrapiejskaj dziaržavy. (…) Chaciełasia b 29 kastryčnika sustrecca ŭ Kurapatach — i, zhadvajučy niavinna zabitych, razvažyć pra toje razam. Dy siem źlejšych sił duchaŭ (adsyłka da Jevanhiella) tak uźbiasilisia, što i hetaha ŭžo nie zrobiš.
Ale 29 kastryčnika zaprašaju kožnaha na svaim miescy zhadać «Noč rasstralanych paetaŭ»: pad chešteham #Nočpaetaŭ zapišycie vierš, pračytajcie tvor, parazvažajcie pra pryčyny taho, što z nami adbyvałasia i adbyvajecca», — napisaŭ Źmicier Daškievič.
Łukašenka padziakavaŭ Stalinu. A što toj nasamreč zrabiŭ ź biełarusami?
Jeŭrapiejcy hatovyja pahadzicca na adpraŭku svaich vojskaŭ dla achovy biełaruska-ŭkrainskaj miažy — vialikaje apytańnie1
Kamientary