SK paćvierdziŭ śmierć Andreja Skrypkina, jakoha padazrajuć u zabojstvie siamji bankira z Maskvy
SK Biełarusi paćvierdziŭ śmierć Andreja Skrypkina, jakoha padazravali ŭ zabojstvie siamji maskoŭskaha bankira
«Śledča-apieratyŭnaja hrupa pravodzić ahlad u izalatary. U ciapierašni čas atrymanyja źviestki ŭkazvajuć na toje, što mieła miesca samahubstva», — zajaviła aficyjny pradstaŭnik SK Julija Hančarova.
Pra zabojstva stała viadoma ŭ aŭtorak. U kvatery na zachadzie Maskvy znajšli zabitymi bankira, jaho žonku i vaśmihadovaha syna. U muža i žonki byli nažavyja ranieńni, a ŭ dziciaci — pierarezanaje horła.
Skrypkin — były dziełavy partnior Jachantava, praź Biełaruś jon źbiraŭsia trapić u Jeŭropu. Tut jaho i zatrymali.
Pavodle papiaredniaj viersii śledstva, złačynca nie čakaŭ, što ŭ kvatery, akramia bankira Jachantava, buduć jaho syn i žonka. U muža i žonki byli nažavyja ranieńni, a ŭ dziciaci — pierarezanaje horła.
Zabity Michaił Jachantaŭ byŭ adnym z top-mieniedžaraŭ maskoŭskaha filijała «Smalenskaha banka». U 2016 hodzie jon staŭ fihurantam kryminalnaj spravy praz naŭmysnaje bankructva. Jaho abvinavačvali ŭ vyvadzie na rachunki padkantrolnych zamiežnych kampanij bolš za 600 miljonaŭ rasijskich rubloŭ.
U 2019 hodzie Jachantava prysudzili da šaści hadoŭ kałonii. Z ulikam taho, što aryštavany jon byŭ jašče ŭ 2016 hodzie, a dzień u SIZA zaličvajecca za paŭtara dnia ŭ kałonii, termin u jaho skončyŭsia hetym letam.
Prysudam suda ź Jachantava i troch jahonych saŭdzielnikaŭ spahnali bolš za 8,4 miljarda rasijskich rubloŭ na karyść Ahienctva pa strachavańni ŭkładaŭ.
Ciapier čytajuć
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3131
Kamientary