Dziady‑apazicyjanery

Noč u kazarmie vydałasia viasiołaju dla dziadoŭ i pakutliva doŭhaju dla duchaŭ. Jafrejtar Viačorka pašychtavaŭ maładzionaŭ, što tolki prybyli adbyvać vajskovuju słužbu. Humareska Rusłana Raviaki.

Noč u kazarmie vydałasia viasiołaju dla dziadoŭ i pakutliva doŭhaju dla duchaŭ. Jafrejtar Viačorka pašychtavaŭ maładzionaŭ, što tolki prybyli adbyvać vajskovuju słužbu. Stary, abvietrany dziadula, pa jakomu było vidać, što toj pabyŭ i na kani i pad kaniom, prajšoŭ i kałamuć i bałamuć, z uśmieškaj paziraŭ na byłych vypuśnikoŭ siarednich škołak rajcentraŭ.

– Čalcy BRSMu, krok napierad! – padaŭ jon kamandu.

Značnaja častka novastałych žaŭnieraŭ vyjšła z šerahu.

– Vy musić mierkavali, što siabroŭstva ŭ hetkaj arhanizacyi palehčyć vam navuku, potym słužbu, a mahčyma dapamoža padvysić i zvańnie? Vy pamylilisia! Sardečna zaprašajem u pieršy nacyjanalistyčny bataljon! Šarahoviec Ivanoŭ!

– Ja!

– Ty? Piać naradaŭ pa‑za čarhoju...

Čalcy BRSM, pačać adciskańnie 50 razoŭ, biespartyjnyja – 20, siabry Maładoha Frontu – 5. Šarahoviec Ivanoŭ – 100 adciskańniaŭ na kułakach!...

– Vitaju, sałabony! Nia čuju, jak ja vas vučyŭ?

– Viečar dobry, spadaru siaržant!

– Vo, na pieršy raz sydzie. Tak, chto tamaka z mastackaj vučelni... Dzie moj dembielski albom, dzie maje znački? Tak, niejkija ŭ ciabie kryvyja vaśmikancovyja zorki atrymalisia. Mnie ich na pahony čaplać! Ty što robiš,

ty viedaješ kamu ty heta režaš? Tak... Kab zaŭtra rankam jany byli bieł‑čyrvona‑biełymi!

Jafrejtar Viačorka tym časam praciahvaŭ zaniatki z duchami.

– Siońnia ŭ nočy vy budziecie vučycca strymlivać nacisk AMAPu, pravierym na moc vašuju «faneru». Paśla pasłuchajem jašče raz, jak vy ŭmiejecie vykrykvać kryčałki naštałt «Biełaruś u Eŭropu». Bo toje, što hučała pa darozie ŭ stałoŭku — poŭny... Potym, kali ŭsio zrobicie dobra, pojdziecie spać, a šerahoviec Ivanoŭ draić prybiralni.

Siaržant Chviedaruk raptam adkłaŭ eskizy nakołak i vyrašyŭ pravieści apazycyjnuju palitinfarmacyju dla maładych vajaroŭ.

– Nu jak budziem słužyć, sałahi? Pa statucie ci pa narodnych abradach? Heta dniom u vas hałoŭnyja kamandziry. A ŭnočy tut kamandujem my! Na pieršy‑treci paličycca! Kožny druhi zaraz padydzie da siaržanta Chviedaruka i atrymaje ŭlotki, jakija musić raskleić pa častcy. Ale toj, chto paviesić niešta ŭ našaj rocie, – budzie prać maje anučy da samaha dembiela! Šarahoviec Ivanoŭ... jak heta vy nie druhi... drenna ličyli.... Tady vam asablivaje zadańnie – da ranku prynieści 5 značkaŭ z Pahoniaju ci bieł‑čyrvona‑biełym ściažkom. Najlepiej amerykanskaj vytvorčaści. Što vy kažacie? Usie znački ŭ navakolli ŭžo vybrali j pierapazyčali? Šarahoviec Ivanoŭ, takoje ŭražańnie, što vy nia z Červienia, a z Tambova... ahryzajeciesia... nie pa‑biełarusku heta. OK. Siońnia dziaduli dobryja – znajdzicie zamiest značkaŭ apošni numar «ARCHE» i padšyŭku «Pahoni» za 1999 hod....

Dziady‑biełarusy praciahvali svaje ździeki da ranku. Jany viedali, što hadujuć dobruju źmienu, bo niekali tyja sałahi stanucca dziadami j praciahnuć tradycyi, u jakich hadavalisia sami. Chłopcy‑apazycyjanery ŭžo navat pačali zadumvacca – ci nie zastacca na pazaterminovuju słužbu.

• 0
• 0
• 0
• 0
• 0
• 0
• 0
• 0