Lider Maładoha frontu źviarnuŭsia ŭ redakcyi niekatorych haziet z zaklikam pravilna ŭžyvać nazvu Biełarusi.
Lider mižnarodnaj maładziožnaj arhanizacyi «Małady front» Źmicier Daškievič źviarnuŭsia ŭ redakcyi niekatorych haziet z prośbaj pravilna ŭžyvać nazvu Biełarusi. Adpaviedny zvarot byŭ nakiravany 27 lipienia. Pra heta BiełaPAN paviedamiŭ Daškievič.
Pavodle jaho słoŭ, zvaroty byli nakiravanyja redakcyjam haziet «Komsomolskaja pravda» v Biełoruśsii», «Arhumienty i fakty» v Biełoruśsii», «SB: Sovietskaja Biełoruśsija — Biełaruś siehodnia» i dypłamatyčnym misijam zamiežnych krain u Biełarusi.
«Z momantu pryniaćcia Viarchoŭnym Savietam BSSR «Dekłaracyi ab niezaležnaści Biełarusi» prajšło 19 hadoŭ, adnak dahetul niekatoryja ŚMI i dziaržaŭnyja instytuty Biełarusi i inšych dziaržaŭ niapravilna ŭžyvajuć nazvu našaj krainy», — skazaŭ Daškievič.
U zvarocie cytujecca vytrymka z zakona Respubliki Biełaruś ad 19 vieraśnia 1991 hoda: «Viarchoŭny Saviet BSSR pastanaŭlaje: Biełaruskuju Savieckuju Sacyjalistyčnuju Respubliku ciapier nazyvać «Respublika Biełaruś», a ŭ skaračeńni i sastaŭnych nazvach — «Biełaruś». Ustanavić, što hetyja nazvy tranśliterujucca na inšyja movy ŭ adpaviednaści ź biełaruskim hučańniem».
«Z hetaha vynikaje, što takoj krainy, jak «Biełoruśsija», nie isnuje. Vykarystańnie nazvy «Biełoruśsija» jak minimum vyjaŭlaje nieadukavanaść i nieprafiesijanalizm ludziej, jakija joju karystajucca.
Tamu prosim pierakvalifikavać nazvy, jakija vy ŭžyvajecie, pavodle biełaruskaha i mižnarodnaha zakanadaŭstva», — patrabuje Daškievič.
Kamientary