Ukrainskija pamiežniki nie puścili 15 «turystaŭ» ź Blizkaha Uschodu, jakija paśla naviedvańnia Haradzienščyny jechali ŭ Lvoŭ
Pamiežnaja słužba Ukrainy praduchiliła sprobu zamiežnych hramadzian ź Blizkaha Uschodu trapić va Ukrainu ź Biełarusi.
15 zamiežnikaŭ ź Blizkaha Uschodu, jakija nakiroŭvalisia rejsavym aŭtobusam ź Minska, sprabavali pierasiekčy miažu ŭ punkcie propusku na Čarnihaŭščynie 18 listapada.
Jany śćviardžali, što jeduć va Ukrainu dla turyzmu.
Adnak pamiežniki vyśvietlili, što zamiežniki, siarod jakich čaćviora padletkaŭ, niekalki tydniaŭ tamu prylacieli ŭ stalicu Biełarusi i tut ža nakiravalisia ŭ Hrodzienskuju vobłaść.
Ahledzieŭšy «słavutaści» na zachadzie Biełarusi, vandroŭcy vyrašyli zazirnuć jašče i va Ukrainu. Spadarožniki zapeŭnivali, što va Ukrainie ich bolš za ŭsio cikaviać piejzažy Lvoŭščyny.
Mienavita sa Lvova jany byccam by płanavali viarnucca dadomu. Adnak taki turystyčny maršrut nie pierakanaŭ pravaachoŭnikaŭ.
Bolšaść z nazvanych asob mieli pašparty, vydadzienyja praktyčna ŭ adzin pieryjad, u vieraśni — kastryčniku hetaha hoda.
Ukrainskija pamiežniki pryniali rašeńnie nie prapuskać i viarnuć padarožnikaŭ u Biełaruś.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju27
Kamientary