Bolšaść mihrantaŭ chočuć prytułak u Hiermanii. A kolki biełarusaŭ, što paciarpieli ad represij, zmahli jaho atrymać?
Voś užo niekalki miesiacaŭ na biełaruska-polskaj miažy praciahvajecca mihracyjny kryzis. Tysiačy mihrantaŭ ź irakskaha Kurdystana i inšych blizkaŭschodnich rehijonaŭ šturmujuć miažu ŭ nadziei trapić u ES.
Bolšaść hetych ludziej nie źbirajecca prasić prytułak u Polščy, pieravažna jany chočuć trapić u Hiermaniju, bo tam značna praściej intehravacca, kraina bolš adkrytaja dla zamiežnikaŭ, ź lepšaj sacyjalnaj abaronaj i mahčymaściami dla pracaŭładkavańnia.
Prablema ŭ tym, što pavodle Dublinskaha rehłamientu luby patencyjny biežaniec, jaki nielehalna traplaje ŭ ES, moža prasić prytułak tolki ŭ krainie pieršaha ŭjezdu.
Heta aznačaje, što ekanamičnyja mihranty ź irakskaha Kurdystana nie prosta nie zmohuć atrymać prytułak u Niamieččynie, Niamieččyna ŭvohule navat nie budzie razhladać ichnija prašeńni.
Dać albo nie dać prytułak hetym ludziam moža tolki Polšča, kali jany ŭ adpaviednaści z usimi praviłami i pracedurami zmohuć padać adpaviednaje prašeńnie.
Časam možna pačuć u apraŭdańnie dziejańniaŭ mihrantaŭ na biełaruska-polskaj miažy toje, što jany, jak i biełarusy, pakutujuć ad palityčnaha pryhniotu, ale im, u adroźnieńnie ad biełarusaŭ, nibyta nie tak i prosta atrymać vizy i prytułak u Jeŭropie. Tamu, maŭlaŭ, jany i vymušanyja šturmavać miažu i sprabavać trapić u Jeŭropu nielehalna.
Ale ci praŭda heta, što biełarusam tak prosta atrymać prytułak u Jeŭropie, u toj samaj Niamieččynie, kudy tak chočuć trapić bolšaść ekanamičnych mihrantaŭ ź biełaruska-polskaj miažy?
U pačatku lutaha stała viadoma, što ŭłady Hiermanii prymuć nie bolš za 50 biełarusaŭ, jakija paciarpieli ad dziejańniaŭ biełaruskaha režymu, plus ich siemji. Pra heta paviedamlała hazieta Süddeutsche Zeitung sa spasyłkaj na aficyjny adkaz MUS Niamieččyny deputatu Bundestaha ad «zialonych» Manuelu Saracynu.
Na pačatak vieraśnia niamieckaje telebačańnie paviedamlała, što niamieckija ŭłady vydali ŭsiaho tolki 38 humanitarnych viz pa «22 parahrafie» achviaram palityčnych represij ź Biełarusi. Razam z členami siamiej kolkaść vydadzienych viz skłała ŭsiaho 69. Uładalniki takich viz mohuć atrymać dazvoł na žycharstva na 3 hady ŭ Hiermanii i žyllo.
Taksama biełarusam vydavalisia zvyčajnyja humanitarnyja vizy na 3 miesiacy.
Taksama ŭ Hiermanii jość jašče adna forma abarony zamiežnikaŭ — biežanstva. Status biežanca pakul što z pačatku hoda biełarusy nie atrymlivali.
Pavodle Jeŭrastata, niamieckija čynoŭniki za pieršyja try kvartały 2021 hoda razhledzieli 45 zajavak u pieršaj instancyi na atrymańnie prytułku ad hramadzian Biełarusi. Stanoŭčaje rašeńnie atrymali 0 (nul) čałaviek. Heta aznačaje 0% stanoŭčych rašeńniaŭ. I heta kali nie ŭličvać, kolki biełarusaŭ u ramkach Dublinskaj pracedury vysłali ź Niamieččyny ŭ Litvu i Polšču.
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»3
Kamientary