Mikałaja Aŭtuchoviča ź minskaj «amierykanki» pieraviali ŭ hrodzienskuju turmu. Biznesmiena abvinavačvajuć u arhanizacyi terarystyčnaj hrupy, nahadvaje «Novy čas».
Pra zatrymańnie «hrupy Aŭtuchoviča» dziaržaŭnyja ŚMI raskazali 8 śniežnia. Pavodle ich, za padpałami doma milicyjanta ŭ Vaŭkavysku i padryvam aŭtamabila supracoŭnika milicyi ŭ Hrodnie staić hrupoŭka, jakoj kiravaŭ vaŭkavyski pradprymalnik Mikałaj Aŭtuchovič.
KDB Biełarusi śćviardžaje, što Aŭtuchovič płanavaŭ «zastrašvańnie nasielnictva i akazańnie psichałahičnaha cisku na supracoŭnikaŭ MUS», arhanizoŭvajučy vybuchi i padpały, a achviar vybirajučy «pry dapamozie destruktyŭnaha Telegram-kanała».
Pry pieratrusie ŭ Aŭtuchoviča, jak paviedamiła pres-słužba KDB, siłaviki znajšli strałkovuju zbroju, patrony, hranaty, broniekamizelki i amunicyju.
Spačatku Śledčy kamitet pačaŭ kryminalnuju spravu pavodle č. 2 art. 218 KK («Naŭmysnaje paškodžańnie majomaści, učynienaje ahulnaniebiaśpiečnym sposabam»). Potym Hienprakuratura pierakvalifikavała jaje na č. 1 art. 289 («Akt teraryzmu»), jaki praduhledžvaje pazbaŭleńnie voli da 15 hadoŭ.
Ciapier pisać viaźniu možna na adras: 230023, h. Hrodna, vuł. Kirava, 1, turma №1.
Kamientary