U intervju prapahandystu Paŭłu Zarubinu prezident Rasii Uładzimir Pucin uspomniŭ niekalki słoŭ i pra Łukašenku, ź jakim sustrakaŭsia ŭ svajoj rezidencyi na Vałdai ŭ piatnicu i subotu.
Pa słovach Pucina, Łukašenka hatovy ŭsialak padtrymlivać vyrašeńnie kanfliktu va Ukrainie mirnymi srodkami, i Rasija jamu ŭdziačnaja za namahańni va ŭkrainskim urehulavańni i, u pryvatnaści, za dapamohu ŭ abmienie pałonnymi:
«Jak my pamiatajem, u Minsku ž pačynalisia kaliści pieramovy ŭ 2022 hodzie. Potym, pa prapanovie ŭkrainskaha boku, my pierabralisia ŭ Stambuł. Ale ŭ Minsku ž byli zaklučanyja pahadnieńni pa ŭrehulavańni ŭzajemaadnosin pamiž Kijevam i Danieckam [u 2015 hodzie]».
Vykazaŭsia Pucin, padabraŭšy davoli dziŭnyja słovy, i pra pavodziny Łukašenki ŭ śviatle ŭltymatumu, jaki niadaŭna pastaviŭ jamu prezident Ukrainy Uładzimir Zialenski i patrabavańnie jakoha ab adklučeńni rasijskich retranślataraŭ na biełaruska-ŭkrainskaj miažy było, jak vyhladaje, vykanana.
Pa słovach Pucina, vokryki z boku Zialenskaha nie vyklikajuć u Łukašenki paniki. Jon, maŭlaŭ, padychodzić da hetaha vielmi spakojna, uraŭnavažana i ŭzvažana.
Pucin pamieraŭ kiłamietrami, kolki rasijskaj armii jašče zastałosia da pieramohi
«A car ža niesapraŭdny!» U Rasii narastaje razdražnieńnie Pucinym
Šulman pra Łukašenku na Vałdai: Niešta tam adbyvajecca, čaho nie było raniej
Ničoha havaryć paśla svajoj sustrečy Łukašenka i Pucin nie płanujuć
Łukašenka palacieŭ u Rasiju da Pucina
Kamientary
Łukašenka žadaje zachavać za saboj rolu pieramoŭščyka i tamu padparadkoŭvajecca vokrykam Zialenskaha.
Pucin rychtujecca prypynić (mahčyma, časova) aktyŭnuju fazu vajny i tamu z 2026 h. atrymlivaje niehatyŭnyja reakcyi ad Z-aŭdytoryi.
Heta była pustaja analityka, ale ničym nie horš za pafasnyja fierštejerskija "Pucin prymušaje Łukašenku vajavać, nam treba adciahvać dzieda" i "Pucin nakiroŭvaje Zialenskaha źniščyć Biełaruś".
I jašče. Pucin hebist, słovy dla jaho nie srodak kamunikacyi, a sposab dezinfarmacyi.