I sarvaŭ apładysmienty.
Padčas pieradvybarčaj kampanii minułaha hoda Džo Bajdenu daviałosia vysłuchać niamała naśmiešak z łahiera Donalda Trampa. Zaraz były prezident nanios udar u adkaz. Jon publična raskrytykavaŭ Trampa i jaho prezidenctva, a taksama nazvaŭ jaho «łuzieram», piša Bild.
Trampu važnyja tolki jaho ŭłasnaje eha i bankaŭski rachunak, zajaviŭ Bajden na ŭračystym viečary Demakratyčnaj partyi ŭ štacie Merylend. Jon pieraličyŭ šerah sprečnych prajektaŭ prezidenta ZŠA.
Tramp zahadaŭ źnieści ŭschodniaje kryło Biełaha doma, kab pabudavać tam balnuju zału, chacieŭ nazvać Centr Kienedzi svaim imiem i buduje hihanckuju arku ŭ Vašynhtonie — «u honar samoha siabie». Bolš za toje, prezident naniaŭ «ułasnaha čyścilščyka basiejna», kab vadajom kala miemaryjała Linkalna paśla ramontu nie zarastaŭ vodaraściami.
«Oho, nu i łuzier!» (Whoa, what a loser), — litaralna skazaŭ Bajden pad śmiech i apładysmienty svaich adnapartyjcaŭ.
Adnak «narcysizm i niekampietentnaść hetaj administracyi» — heta jašče nie ŭsio, praciahnuŭ Bajden. Pavodle jaho słoŭ, jość jašče i «karupcyja — adkrytaja, nachabnaja karupcyja ŭ maštabach, jakich jašče nie viedała nivodnaja administracyja ŭ amierykanskaj historyi».
Pavodle Bajdena, Tramp z pačatku svajho druhoha prezidenckaha terminu ŭžo zarabiŭ miljardy.
«Jon nie viedaje soramu. I, ščyra kažučy, heta hańba dla našaj krainy. Zarablać hrošy, zajmajučy pasadu prezidenta, — adna z pryčyn, čamu jon choča być prezidentam», — skazaŭ były kiraŭnik Biełaha doma.
Bajden taksama abvinavaciŭ svajho pierajemnika ŭ «metanakiravanym razbureńni NATA» i ŭ tym, što toj addaje pieravahu kramloŭskamu kiraŭniku Uładzimiru Pucinu pierad amierykanskimi sajuźnikami.
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała33
Kamientary