Syšła epocha. Zamiest Jarmošynaj Centrvybarkam uznačaliŭ Ihar Karpienka
Były ministr adukacyi Ihar Karpienka ŭznačaliŭ Centrvybarkam Biełarusi. Lidzija Jarmošyna kiravała CVK z 1996 hoda.
Na pasadu kiraŭnika CVK Ihara Karpienku rekamiendavali staršynia Pałaty pradstaŭnikoŭ Nacyjanalnaha schodu Biełarusi Uładzimir Andrejčanka i namieśnik premjer-ministra Ihar Pietryšenka.
«Pa-pieršaje, Ihar Vasilevič vydatna razumieje, što kali narod padtrymaje prapanavanuju Kanstytucyju (źmieny), chutčej za ŭsio, vaša kandydatura jašče budzie ŭniesienaja na zaćviardžeńnie Usiebiełaruskaha narodnaha schodu. Heta značyć, narodnaje vieča jašče vas budzie zaćviardžać, kali ŭsio budzie narmalna. Pa-druhoje, nas čakajuć niaprostyja časy, pačynajučy z refierendumu, praviadzieńnia jaho. Vy — čałaviek daśviedčany, i ŭ harvykankamie pracujučy, viedajecie, što takoje hetyja elektaralnyja kampanii.
Zatym nam treba budzie ŭpieršyniu ŭ historyi ŭ adziny dzień hałasavańnia abrać našy saviety i zakanadaŭčy orhan ułady — parłamient. Nu i, naturalna, vybary prezidenta: byccam by i daloka jany, ale heta nie tak daloka.
I ŭsio budzie zaležać ad toj situacyi, jakaja budzie składvacca ŭ našaj krainie», — zajaviŭ Alaksandr Łukašenka.
«Tamu praktyčna z ahniu dy ŭ połymia vam pryjdziecca akunucca. Nu i ŭ arhanizacyjnym płanie, chutčej za ŭsio, vy budziecie pieršym staršynioj CVK, jaki budzie abiracca Usiebiełaruskim narodnym schodam, kali narod padtrymaje Kanstytucyju», — dadaŭ Łukašenka.
Razam z novym staršynioj pryznačanyja i piać členaŭ Centralnaj kamisii: Vadzim Ipataŭ, Alena Bałdoŭskaja, Dzianis Duk, Siarhiej Kalinoŭski i Alaksandr Južyk.
Taksama Łukašenka siońnia pryznačyŭ novych kiraŭnikoŭ abłaściej
Anatol Isačanka staŭ hubiernataram Mahiloŭščyny (zamiest Leanida Zajca), Alaksandr Subocin — kiraŭnikom Viciebščyny (na miesca Anatola Šarśniova).
Isačanka z 2017 pa 2019 hady kiravaŭ Minskaj vobłaściu, paśla byŭ namieśnikam kiraŭnika Savieta Respubliki. Subocin byŭ vice-premjeram.
***
Pačytajcie archiŭny tekst «Našaj Nivy» pra historyju Lidzii Jarmošynaj za 2014 hod
Historyja ŭźlotu babrujskaj jurystki Lidzii Jarmošynaj. Padrabiaznaści žyćcia staršyni CVK
«This f*cking AI». Pierakładčyk Łukašenki pry prezidencie AAE vykarystaŭ niedypłamatyčnaje słova9
Kamientary